Ámad Ká Dúsrá Itwár C
Dákhilah (Entrance
Antiphon): Cf. (Isha‘yá) Is 30: 19, 30
Ai chuní húí qaum dekh,
Khudáwand qaumon
ko bacháne áegá.
Us kí jalálí áwáz sun kar tumháre dil khushí se
bharpúr hon.
Jamá‘atí Du‘á (Collect):
Ai Qádir I Mutliq aur rahím Khudá
Ham tere beṭe ko khush ámdíd kahne ke liye be-qarár hain
Bakhsh de ki dunyawí fikr aur masrúfíyat
Hamen is kám se hargiz na roken.
Balki ásmání sachcháíon kí ta‘lím hamen Masíh
ká sachchá shágird baná de.
Jo tere sáth Rúhu’l Quds kí
wahdáníyat men Khudá hai
Aur hamesha se hamesha tak zinda rahtá aur sultanat kartá hai.
Ámín.
Readings
Pahlí Tiláwat: (Bárúk) Baruch 5:1-9
Khudá terí
shán-o-shaukat tamám aqwám ko dekháná cháhtá hai.
Pák Kalám ke paṛhe aur sune jáne par Khudá kí barkat ho.
Jamá‘at: Khudá ká shukr ho.
Zabúr: Psalm
125:1-6 Jamá‘ati jawáb áyat: 3
(Jamá‘ati jawáb): Khudáwand ne
hamáre liye ‘azím kám kiye hain.
Dusrí Tiláwat: (Muqaddas
Paulus Rasúl Ká Khatt Filippíon Ke Nám) Philippians
1:4-6,8-11
Masíh ke din tak sáf dil raho.
Pák kalám ke paṛhe aur sune jáne par Khudá kí
barkat ho.
Jamá‘at: Khudá ká shukr ho.
Hallelujah: Lk 3:4,6
Hallelujah Hallelujah
Khudáwand kí ráh ko taiyár karo, us kí sháhráh ko sídhe banáo
Aur har bashar Khudá kí naját dekhegá
Hallelujah
Injíl I Muqaddas:
(Muqaddas ke Lúqá mutábiq) Luke 3:1-6
Har bashar Khudá kí naját dekhegá
Us waqt Tibiryus Qaisar kí hukúmat ke pandrahwen baras jab
Pantús Pílátús Yahúdiya ká wálí thá, aur Herodís Jalíl ká ra’ís-i
rub‘, aur us ká bháí Failbús Itúríyah aur Tarákonítís ke ‘iláqe ká
ra’ís-i rub‘, aur Líasníús Abilena ká ra’ís-i rub‘.
Káhin-i a‘zam Hannán aur Qiyáfá ke waqt Khudá ká kalám biyábán
men Zakariyáh ke beṭe Yúhanná ko pahunchá, aur wuh Yurdan ke sáre girdnawáh men
jákar gunáhon kí mu‘áfí ke liye tauba ke liye baptisma kí manádí
karne lagá. Jaisá Isha‘yá nabí ke aqwál náme men likhá hai ki
Pukárnewále kí áwáz, biyábán men
Khudáwand kí
ráh taiyár karo.
Us kí sháhrah ko sídhá banáo
Har ek ghár bhar jáegá
Aur har ek paháṛ aur ṭílá past kiyá jáegá
Jo ṭeṛhá hai wuh sídhá
Aur jo rásta ná-ham-wár hai wuh ham-wár benegá
Aur har bashar Khudá kí naját dekhegá
Injíl I Muqaddas ke wasíle se hamárí khatáen mu‘áf
kí jáen.
Jamá‘at: Ai Masíh, terí sitáish ho.
Nazránon par Du‘á (Prayer over the Offerings)
Ai Khudáwand hamáre Khudá
Ham khák-sáron kí du‘áen aur nazren
qabúl kar ke ham se rází ho
Aur chúnki ham men koí kháss fazílat
maujúd nahín.
Tú apní shafqat aur mihrbání se hamárí madad ko á
Masíh hamáre Khudáwand ke wasíle se. Ámín.
Pák Sharákat kí áyat (Communion Antiphon): Bar 5: 5; 4:
36
Ai Yarúshalem uṭh, aur buland jagah par khaṛe hokar
us khushí ko dekh, jo Khudá kí taraf se tere liye
á rahí hai
Pák Sharákat ke ba‘d kí Du‘á (Prayer after Communion)
Ai Khudáwand , Hamáre Khudá
Tú ne hamen rúhání khurák khilá kar, hamárí khwáhish
púrí kar dí hai
Ham tujh se minnat karte hain
Is Pák ‘ibádat men sharík hone se hamen sikhá
Ki ham jahán kí chízon ko ‘aqlmandí ke sáth jánch
len
Aur ásmán kí chízon kí tamanná karen
Masíh hamáre Khudáwand ke wasíle se. Ámín.
...
Podcasts:
For
Sermon by Fr. Robert Barron click here
For
reflection by Dr. Scott Hahn click here
For
commentary by Dr. John Bergsma on Sunday readings check out the Sacred Page
click here
Some
great resources for Sunday Mass, Ordinary and Extraordinary Forms of the Rite
at The Divine Lamp click here
No comments:
Post a Comment