Woman? Lady? Mother?

This coming Sunday’s gospel reading is from John 2:1-11. Many Protestants use John 2:4 as a proof text to downplay the role of Mary.

It is interesting to note how the Greek word γύναι (gynai) is translated in Urdu:

Khátún (Lady) in the Urdu Catholic Bible.

‘Aurat (Woman) in the Urdu Protestant Bible

To find out how in Greek, nouns and pronouns change their form depending on the role that they are playing in a sentence, check out Jimmy Akin’s article: Was Jesus Dissing His Mother When He Called Her "Woman"? Click here

Why you need to be in a state of grace for Communion

Sunday, 13th January 2013, The Baptism of the Lord

Hamáre Khudáwand Yisú‘ Masíh ke Baptisma kí ‘Íd

Dákhilah (Entrance Antiphon): cf. Matí 3:16-17 (Matthew 3:16-17)

Jab Khudáwand ne baptisma páyá to us ke liye ásmán khul gayá.

Aur Khudá kí Rúh kabútar kí mánind utarí

Aur Báp kí áwáz yih kahtí húí áí ki:

Yih merá Beṭá hai Al-Mahbúb jis se main khush hún.

Jamá‘atí Du‘á (Collect):

Ai Qádir I Mutliq aur abadí Khudá

Jab tere Beṭe ne daryá e Urdan men baptisma páyá

Aur Rúhu’l Quds us par utará

To tú ne sanjídagí ke sáth use apná Beṭá kahá

Apne lepálak farzandon ko yih bakhsh de

Ki pání aur Rúhu’l Quds se naye sire se paidá ho kar

Terí pasand kí zindagí basar karte húe

Hamesha tere piyár men qáim rahen

Masíh hamáre Khudáwand ke wasíle se jo tere sáth

Rúhu’l Quds kí wahdáníyat men Khudá hai

Aur hamesha se hamesha tak zinda rahtá aur sultanat kartá hai. Ámín.

Yá

Ai mihrbán Báp Khudá

Terá iklautá Beṭá hamárí insání khásíyat ikhtiyár karke hamáre darmiyán áyá

Wuh záhirí taur par hamárí shakl rakhtá hai

‘ináyat farmá ki ham apne dilon men nayí shakl par ḍhále jáen

Masíh hamáre Khudáwand ke wasíle se jo tere sáth

Rúhu’l Quds kí wahdáníyat men Khudá hai

Aur hamesha se hamesha tak zinda rahtá aur sultanat kartá hai. Ámín.

Readings

Pahlí Tiláwat:

(Isha‘yá nabí ká sahífa) Isaiah 40:1-5. 9-11

Pák kalám ke paṛhe aur sune jáne par Khudá kí barakat ho.

Jamá‘at: Khudá ká shukr ho.

Zabúr: 103:1-2. 3-4. 24-25. 27-30 Jamá‘ati jawáb áyat: 1

(Jamá‘ati jawáb)

Ai merí ján Khudáwand ko Mubárak kah,

Ai Khudáwand mere Khudá, Tú niháyat ‘azím hai

Dusrí Tiláwat:

(Muqaddas Paulus Rasúl Ká Khatt Titus Ke Nám) Titus2:11-14. 3:4-7

Us ne hamen naját bakhshí, nayí paidáish ke g̣husl aur Rúhu’l Quds kí tajdíd ke wasíle se.

Pák kalám ke paṛhe aur sune jáne par Khudá kí barkat ho.

Jamá‘at: Khudá ká shukr ho.

Hallelujah- cf. Lúqá 3:16 (Luke 3:16)

Hallelujah Hallelujah

Yúhanná ne un se kahá

Jo mujh se qawí-tar hai, wuh ánewálá hai

Aur wuh tumhen Rúhu’l Quds aur ág se baptisma degá

Hallelujah

Injíl I Muqaddas:

(Muqaddas Lúqá ke mutábiq) Luke 3: 15-16. 21-22

Jab Yisú‘baptisma pá kar du‘á kar rahá thá to ásmán khul gayá.

Us waqt logon ko baṛí ummed hone lagí aur sab apne dil men Yúhanná kí bábat sochne lage ki sháyad yihí Al- Masíh hai, to Yaúhanná ne jawáb men un se kahá ki main tumhen paní se baptisma detá hún, magar mujh se ek qawí-tar ánewálá hai, jis kí jútí ká tasma main kholne ke bhí láiq nahín, wuh tumhen Rúhu’l Quds aur ág se baptisma degá. Aur jab sab log baptisma páte the, aur Yisú‘ bhí baptisma pá kar du‘á kar rahá thá, to ásmán khul gayá, aur Rúhu’l Quds jismání súrat men kabútar kí mánind us par utrá, aur ásmám se yih áwáz áí, ki Tú merá Beṭá Al-Mahbúb hai; tujh se main khush hún.

Injíl I Muqaddas ke wasíle se hamárí khatáen mu‘áf kí jáen.

Jamá‘at: Ai Masíh, terí sitáish ho.

Nazránon par Du‘á (Prayer over the Offerings)

Ai Khudáwand hamáre Khudá

Ham tere piyáre Ḅete ke zuhúr kí yád men yih hadye láe hain

Aur ham ‘ájizí ke sáth tujh se iltijá karte hain

Ki tere muminon ká nazrána Masíh hí kí qurbání ṭhahre

Us ne apne rahm o karam se cháhá

Ki dunyá ko gunáhon se bacháe

Usí ke wasíle se hamárí yih du‘á qabúl kar

Jo tere sáth hamesha se hamesha zinda rahtá aur sultanat kartá hain. Ámín.

Pák Sharákat kí áyat (Communion Antiphon): Yúhanná 1:32. 34

Use dekho jis ke báre men Yúhanná ne kahá thá ki main ne dekhá aur shahádat bhí dí ki yih Khudá ká Beṭá hai

Pák Sharákat ke ba‘d kí Du‘á (Prayer after Communion)

Ai mihrbán Khudá

Ham ne terí pák nai‘maton se khush-hálí hásil kí hai

Ab ham tujh mihrbán Khudáwand se yih du‘á karte hain

Ki tu hamen ‘atá kar

Ki ham sachche dilon ke sáth tere iklaulte Beṭe kí báten suná karen

Aur haqíqat men tere farzand kahlá saken

Masíh hamáre Khudáwand ke wasíle. Ámín.

 ...

Podcasts:

For Sermon by Fr. Robert Barron click here

For reflection by Dr. Scott Hahn click here

For commentary by Dr. John Bergsma on Sunday readings check out the Sacred Page click here

Some great resources for Sunday Mass, Ordinary and Extraordinary Forms of the Rite at The Divine Lamp click here

The Love that Satisfies

For more about Catholic Answers click here and Matt Fradd click here

Sunday, 6th January 2013, The Epiphany Of the Lord

Solemnity

6^th January or the Sunday between 2 January and 8 January

Masíh ke Zuhúr kí ‘Íd

Dákhilah (Entrance Antiphon):

Cf. (Malákí 3:1, 1 Aḳhbár 29:12) Malachi 3:1; 1 Chronicles 29:12

Dekho, dono jahánon ká hukamrán Khudáwand átá hai, aur Badsháhí qudrat aur hukúmat usí ke háth men hogí

Jamá‘atí Du‘á (Collect):

Ai azlí núr ke Khudá

Tú ne áj ráh-numá sitáre ke zarí‘e

Qaumon par apná iklautá Beṭá záhir farmáyá

Ham apne ímán aur i‘tiqád se tujhe pahchánte to hain

Tá-ham tú apne karam se bakhsh de

Ki hamen tujh ‘azím Khudá ko rú barú dekhne kí ráh batáí jáe

Masíh hamáre Khudáwand ke wasíle se jo tere sáth

Rúhu’l Quds kí wahdáníyat men Khudá hai

Aur hamesha se hamesha tak zinda rahtá aur sultanat kartá hai. Ámín.

Readings

Pahlí Tiláwat:

Isha‘yá nabí ka sahífa: 60:1-6 (Isaiah 60:1-6)

Khudáwand kí tajallí tujh par tulú‘ huí hai

Pák kalám ke paṛhe aur sune jáne par Khudá kí barakat ho.

Jamá‘at: Khudá ká shukr ho.

Zabúr: 71:1-2, 7-8. 10-13. Jamá‘ati jawáb áyat cf.v. 11(Psalm 71)

(Jamá‘ati jawáb) ; Ai Khudáwand. Sab qaumen tujhe sijda karengí

Dusrí Tiláwat:

Muqaddas Paulus Rasúl Ká Khatt Ifsíon Ke Nám 3:2-3. 5-6 (Ephesians 3:2-3. 5-6)

Ab yih kashf kiyá gayá hai ki g̣hair qaumen bhí ham mírás hain

Pák kalám ke paṛhe aur sune jáne par Khudá kí barkat ho.

Jamá‘at: Khudá ká shukr ho.

Hallelujah: Matí 2:2 (Matthew 2:2)

Hallelujah Hallelujah

Ham ne us ká sitára mashriq men dekhá hai

Aur ham Khudáwand ko sijda karne áe hain

Hallelujah 

Injíl I Muqaddas:

Muqaddas ke Matí mutábiq 2:1-12 (Matthew 2:1-12)

Ham ne us ká sitára mashriq men dekhá hai aur ham bádsháh ko sijda karne áe hain

Us waqt Yahúdah ke Baitlahm men jab Yisú‘ paidá húá, to dekho mashriq ke kaí Majúsíon ne Yarúshalem men á kar kahá ki Yahúdíon ká bádsháh jo paidá húá hai, wuh kahán hai? Kyúnki ham ne mashriq men us ká sitára dekhká aur use sijda karne áe hain. Jab Herodes bádsháh ne yih sunná tab wuh aur us ke sáth tamám Yarúshalem ghabráyá. Tab us ne sab sardár káhinon aur qaum ke faqíhon ko jama‘ karke un se púchhá, ki Masíh kahán paidá honá cháhiye? Unhon ne us se kahá, Yahúdah ke Baitlahm men; kyúnki nabí kí ma‘rifat yún likhá hai ki

Ai Baitlahm, Yahúdah kí sar zamín

Tú Yahúdah ke raíson men hargiz kamtarín nahín

Kyúnki tujh men se ek hákim niklegá,

Jo merí ummat Isráíl kí gallabání karegá.

Tab Herodes ne Majúsíon ko chupke se bulákar un se tahqíq kí, ki wuh sitára kab dikháí diyá thá? Aur yih kah kar unhen Baitlahm men bhejá, ki jáo aur us bachche kí bábat khúb daryáft karo, aur jab use páo mujhe khabar do, ki main bhí á kar use sijda karún.Wuh bádsháh se yih sunkar rawána húe, aur dekho, wuh sitára jo unhon ne mashriq men dekhá thá, un ke áge áge chalá, yahán tak ki us jagah ke úpar á kar ṭhahr gayá, jahán wuh bachcha thá. Wuh sitáre ko dekh kar niháyat khush húe. Aur us ghar men dákhil ho kar, us bachche ko us kí mán Mariyam ke sáth páyá, aur us ke áge gir kar sijda kiyá; aur apne dibbe khol kar soná aur lobán, aur murr use nazr guzráná. Aur khwáb men ágáhí pákar ki Herodes ke pas na jáen, wuh dúsrí ráh se apne mulk ko wápas chale gaye

Injíl I Muqaddas ke wasíle se hamárí khatáen mu‘áf kí jáen.

Jamá‘at: Ai Masíh, terí sitáish ho.

Nazránon par Du‘á (Prayer over the Offerings)

Ai Khudáwand hamáre Khudá

Ham par rahm kar ke tawajjuh kar

Áj terí kalísiyá na soná, na lobán, aur na murr hí lá kar terí nazr kartí hai

Balki aise nazráne tere huzúr pesh kartí hai

Jin kí súrat men khud Khudáwand Yisú‘ Masíh maujúd ho kar

Qurbán hotá, aur hamárí rúhání khurák bantá hai

Bakhsh de ki ham is intiháí mahabbat ke láiq rahen

Masíh hamáre Khudáwand ke wasíle se. Ámín.

Pák Sharákat kí áyat (Communion Antiphon): (cf. Matthew 2:2)

Ham ne mashriq men Khudáwand ká sitára dekhá aur use sijda karne áe hain.

Pák Sharákat ke ba‘d kí Du‘á 

Ai Khudáwand, hamáre Khudá

Apní ásmání núr se hamesha hamarí ráhnumáí kar

Táki jis bhed men tú ne hamen sharík karná cháhá hai

Aur wájib mahabbat ke sáth hásil karen

Masíh hamáre Khudáwand ke wasíle se. Ámín.

 ...

Podcasts:

For Sermon by Fr. Robert Barron click here

For reflection by Dr. Scott Hahn click here

Epiphany: Who were the Magi and what was the Christmas Star? Podcast By Dr. Michael Barber click here

For commentary by Dr. John Bergsma on Sunday readings check out the Sacred Page click here

Some great resources for Sunday Mass, Ordinary and Extraordinary Forms of the Rite at The Divine Lamp click here

9 Things You Need to Know About Epiphany: Read here 

Holy Mass in Urdu on Sunday, 6th January 2013

Christ Church, Carr Rd, Nelson BB9 7EN

Sunday, 6th January 2013
The Epiphany Of the Lord (Masíh ke Zuhúr kí ‘Íd)

Time: 3 pm

View Larger Map
The Mass is followed by the sharing of a meal together. Everyone is welcome.
Holy Mass in Urdu every first Sunday of the month at 3pm

Tuesday, 1st January 2013, The Mother of God

Solemnity Of Mary

Muqaddasa Mariyam Khudá Kí Mán Kí ‘Íd

Yakum January

Dákhilah (Entrance Antiphon):

Ai Muqaddasa Mán tuhje salám ho aur du‘á. Tujh hí se ham ne wuh bádsháh páyá jo hamesha ke liye dono jahánon ká hukmrán hai. 

or

cf. Yasa‘iya 9:2,6; Lúqá 1:33 (cf. Isaiah 9:1; Luke 1:33)

Áj ham par núr chamkegá kyúnki ham ko ek beṭá ‘atá kiyá gayá aur us ká nám ye hai ya‘ní Khudá i Qádir, abdí Báp, salámtí ká raís aur us ki bádsháhí ká ákhir na hogá.

Jamá‘atí Du‘á (Collect):

Ai mihrbán Khudá Báp

Tú ne Muqaddasa Mariyam ke phal dár kunwárpan ke zari‘e

Baní nau‘ insán ko abdí naját kí besh-qímat ni‘mat bakhshí

‘ináyat farmá ki hamáre liye

Wuhí pák kunwárí sifárishen kartí rahe

Jis se ham ne zindagí ká bání páyá hai

Ya‘ní terá piyárá Beṭá Masíh hamáre Khudáwand jo tere sáth

Rúhu’l Quds  kí wahdáníyat men Khudá hai

Aur hamesha se hamesha zinda rahtá aur sultanat kartá hai. Ámín.

Reading

Pahlí Tiláwat:

‘Ádad kí kitab: 6:22-27 (Numbers6:22-7)

Wuh merá nám baní Isráíl par pukháren aur main unhen barakat dúngá.

Pák kalám ke paṛhe aur sune jáne par Khudá kí barakat ho.

Jamá‘at: Khudá ká shukr ho.

Zabúr: 66:2,3,5,6,8 Jamá‘ati jawáb áyat: 2

(Jamá‘ati jawáb) Khudá ham par rahm kare aur hamen barakat bakhshe

Dusrí Tiláwat:

Muqaddas Paulus Rasúl Ká Khatt Galatíon Ke Nám 4:4-7 (Galatians 4:4-7)

Khudá ne apne Beṭe ko bhejá, jo ‘aurat se paidá húá

Pák kalám ke paṛhe aur sune jáne par Khudá kí barakat ho.

Jamá‘at: Khudá ká shukr ho.

Hallelujah- ‘Ibráníon 1:1-2 (Hebrews 1:1-2)

Hallelujah Hallelujah

Guzashta zaḿane men Khudá ne ába-o-ajdád se waqt ba waqt

aur tarah ba tarah ambiyá kí mar‘ifat kalám karke,

in ákhirí aiyyám men ham se Beṭe kí mar‘ifat kalám kiyá.

Hallelujah

Injíl I Muqaddas:

Muqaddas Lúqá ke mutábiq 2:16-21 (Luke 2:16-21)

Unhon ne Mariyam aur Yúsuf aur nannhe bachche ko páyá…aur jab áṭh din púre ho gaye to us ká nám Yisú‘ rakhá gayá.

Tab us waqt charwáhe jaldí se Baitlahm ko gaye, aur Mariyam aur Yúsuf aur nannhe bachche ko charní men paṛá páyá, aur dekh kar wuh bát batáí jo us bachche ke haqq men un se kahí gayí thí. Aur sab sunnewálon ne un báton par ta‘ajjub kiyá jo charwáhon ne un se kahín. Par Mariyam in sab báton ko hifz[1] kar ke un par apne dil men ghaur kartí rahí. Aur charwáhe un sab báton ke liye Khudá kí tamjíd aur hamd karte húe lauṭ gaye jo unhon ne waise hí sunín aur dekhín jaisá un se kahá gayá thá.

Aur jab us ke khatna karáne ke liye áṭh din púre ho gaye to us ká nám Yisú‘ rakhá gayá, jo firishte ne us ke rihm[2] men paṛne se pahle rakkhá thá

Injíl I Muqaddas ke wasíle se hamárí khatáen mu‘áf kí jáen.

Jamá‘at: Ai Masíh, terí sitáish ho.

Nazránon par Du‘á (Prayer over the Offerings)

Ai kháliq Khudá

Tú sab achchhí chízon ko wajúd men látá hai

Aur un ko takmíl tak pahunchátá hai

Áj ham Khudá kí piyárí mán kí ‘íd maná rahe hain

Pas ‘ináyat kar ki ham

Jis tarah tere ibtidá’í fazl par fakhr karte hain

Usí tarah us ke púre hone tak ká surúr bhí hásil karen,

Masíh hamáre Khudáwand ke wásile se. Ámín.

Pák Sharákat kí áyat (Communion Antiphon):  ‘Ibráníon 13:8 (Hebrews 13:8)

Yisú‘ Masíh kal, aur áj, balki abad tak yaksán hai.

Pák Sharákat ke ba‘d kí Du‘á (Prayer after Communion)

Ai Khudáwand Khudá

Ham iqrár karte hain ki Muqaddasa Mariyam hamesha kunwárí

Tere Beṭe kí aur hamárí bhí mán hai

Bakhsh de ki jo ásmání ni‘maten ham ne abhí páí hain

Un ke zari‘e hamesha kí zindagí hamen hásil ho

Masíh hamáre Khudáwand ke wásile se. Ámín.

----

For more on why Catholics call Mary Mother of God click here

Also Check out Dr. Michael Barber's Podcast and Blog here.

---

[1] Memory

[2] The womb