Act of Contrition

Tauba ká ‘amal (I)

Ai mere Khudá

main apne sare dil se

pashemán hún ki

main terí behadd nekí

aur buzurgí ke khiláf

gunáh kiyá hai

main apne sab gunáhon

se nafrat kartá hún kyúnki

wuh tujhe na khush karte hain

Ai mere Khudá tú jo

sab píyár ke láiq hai

aur main mazbútí se iráda kartá hún

ki tere Pák  fazl ḱí madad se

phir hargiz tujhe náráz na karúngá

balki gunáhon kí ráhon

se kinára karúngá

Ámín

Tauba ká ‘amal (II)

Ai mere Khudá

Mujhe sakht afsos hai ki

main ne gunáh karke

tere píyár ko bhúlá diyá.

main ab se

terí madad ke sáth

gunáh se dúr

aur terí mahabbat men

qáim rahúngá

Ámín

Click for Tauba kí Níyat

Psalm 51: Miserere

Mazmúr 50 (51)

Ai  Khudá, apní rahm dilí ke mutábiq mujh par rahm kar.

Aur apní rahmaton kí kasrat ke mutábiq, mere gunáh miṭá de.

Merí badí  ko achchhí tarah se mujh se dho ḍál

Aur merí khatá se mujhe pák kar

Kyúnki main apní ná rástí se wáqif hún

Aur merá gunáh har waqt mere peshe nigáh hai

Main ne sirf terá hí gunáh kiyá hai

Aur mujh se wuh kám húá hai, jo terí nazar men burá hai

Táki tú apne fatwá men ‘ádil

Aur apne insáf men be ilzám ṭhahre

Dekh main ne khatá kí hálat men súrat pakṛí

Aur gunáh kí halat men, apní mán ke batn men paṛa

Dekh tú sadáqat-e dil ko pasand kartá hai

Aur bátin men mujhe hikmát sikhátá hai

Zúfá se mujhe pák kar, to main sáf ho jáúngá

Mujhe dho dál, to main barf se ziyáda safed ho jáúngá

Mujhe khushí, aur khurramí kí báten suná

jo haḍḍiyán tú ne toṛ ḍálín, wuh shádmání karen

mere gunáhon se chashm-poshí kar

aur merí sab khatáon ko miṭá de

ai Khudá, mujh men ek pák dil paidá kar

aur naye  sire se ek mustaqím rúh, mere bátin men ḍál

apne chihre ke sámne se mujhe khárij na kar

aur apní pák rúh mujh se alag na kar

apní naját kí shádmání mujhe phir ‘ináyat kar

aur isti‘dád rúh se mujhe mazbút kar

main khatákáron ko terí ráhen sikháúngá

aur gunahgár terí taraf rujú‘ láhenge

ai Khudá, ai mere mukhlis Khudá

mujhe khún ke jurm se chhuṛá

merí zubán terí sadáqat se masrúr ho

ai Khudáwand, mere honṭhon ko khol de

to merá munh terí ta‘rif  bayán karegá

tú to zabíhah pasand nahín kartá

aur agar main sokhtaní qurbání bhí dún to tú khush nahín hotá

Ai Khudá, shikasta rúh merí qurbání hogí

Ai Khudá, shikasta aur khák-nishín dil ko haqír na jánegá

Ai Khudáwand, apne karam ke mutábiq Siyyún ke sáth bhaláí kar

Aur Yarúshalem kí díwáron ko az-sare-nau ta‘mír kar

Tab tú láiq qurbániyan, nazráne aur zabíhe qabúl karegá

Aur tere mazbah par bachhṛe chaṛháe jáenge.

-----

For Pope John Paul II’s Meditation on Psalm 51 (50) click here

Ash Wednesday

Rákh ká budh

Dákhilah (Entrance Antiphon):

 (Hikmat) Wisdom 11:24,25,27

Ai Khdáwand tú sab maujúdát ko piyá kartá hai.

Tú kisí bhí chíz se jo tú ne banáí hai nafrat nahín kartá.

Readings

Pahlí Tiláwat: Yúel nabi kí kitáb Joel 2:12-18

Apne dilon ko chák karo, na ki apne kapṛon

Pák kalám ke paṛhe aur sune jáne par Khudá kí barkat ho.

Jamá‘at: Khudá ká shukr ho.

Zabúr: Psalm 50 Jamá‘ati jawáb áyat: 3

(Jamá‘ati jawáb) Ai Khudá ham par raham kar, kyúnki ham gunahgár hain

Dusrí Tiláwat:

(Muqaddas Paulus Rasúl Ká Dusrá Khatt Qurinthíon Ke Nám) 2 Corinthians 5:20 - 6:2

Khudá se mel kar lo, ab qabúlíyat ká waqt hai

Pák kalám ke paṛhe aur sune jáne par Khudá kí barkat ho.

Jamá‘at: Khudá ká shukr ho.

Na‘rah-e Hamd:

Zabúr  50:12,14

ai Khudá, mujh men ek pák dil paidá kar,

aur apní naját kí shádmání mujhe ‘ináyat kar

Injíl I Muqaddas:

Muqaddas Matí ke mutábiq Matthew 6:1-6. 16-18

Tera Báp, jo poshídagí men dekhtá hai, tujhe badla degá.

Injíl I Muqaddas ke wasíle se hamárí khatáen mu‘áf kí jáen.

Jamá‘at: Ai Masíh, terí sitáish ho.

Pák Sharákat kí áyat (Communion Antiphon):

 (Zabúr) Psalm 1:2-3

Jo ádmí din rát Khudáwand kí  sharí‘at par dhyán lagátá hai,

wuh apne waqt par phal láegá.

-----

To learn more about Ash Wednesday click here and here

Stations of Cross in urdu

Just added a new page with Stations of Cross in Roman Urdu. Please click the link on the side or  Salíbí Ráste Ke Chauda Maqám. 

Four Audio click here

Also for a Prayer before a Crucifix click here.

For other pages click the links below:
Holy Rosary in Roman Urdu
The Order Of Mass in Roman Urdu

Prayer and Fasting

Prayer and Fasting

For

The persecuted Christians in Pakistan

Tab Yisú‘ ne apne shágirdon se kahá: “Agar koí mere pichhe áná cháhe, to wuh khud inkarí kare, aur apní salíb uṭháe, aur mere pichhe ho le. Kyúnki jo koí apní ján bacháná cháhe wuh use khoegá, aur jo koí merí khátir apní ján khoegá wuh use bacháegá” Matthew 16:24-25

Remembering those who have lost their lives, suffering persecution for their faith and also those who are in prison.

1.   Friday, 2^nd March 2012, The Stations of the Cross (English) at 7 pm at Christ Church, Carr Road, Nelson

2.   Saturday, 3^rd March 2012, Holy Rosary (English and Urdu) at 12pm, St. John Southworth, Vaughn street, Nelson

3.   Sunday, 4^th March 2012

Memorial Mass for Shahbaz Bhatti

Time: 3 pm

Christ Church, Carr Road,

Nelson. BB9 7EN

Sunday 19 February 2012, 7th Sunday of the year

Sál Ke Daurán Sátwán Itwár (B)

Dákhilah (Entrance Antiphon):

 (Zabúr) Psalm 12:6

Ai Khdáwand main ne terí rahmat par tawakkul kiyá hai.

Merá dil terí naját se khush húá.

Main Khdáwand ki liye gáúngá. Kyúnki us ne mujh par ihsán kiyá hai.

Readings

Pahlí Tiláwat:

(Yasa‘iya nabí ká sahífa) Isaiah 43:18-19. 21-22. 24-25

Yih main hún jo sab kuch miṭátá hún

Pák kalám ke paṛhe aur sune jáne par Khudá kí barkat ho.

Jamá‘at: Khudá ká shukr ho.

Zabúr: 40:2-5. 13-14 Jamá‘ati jawáb áyat: 5

(Jamá‘ati jawáb) Mujhe shifá de kyúnki main ne terá gunáh kiyá hai.

Dusrí Tiláwat:

(Muqaddas Paulus Rasúl Ká Dusrá Khatt Qurinthíon Ke Nám) 2 Corinthians 1:18-22

Yisú‘ “hán aur nahín” kabhí nahín ho, balki us kí har waqt “hán” hí thí

Pák kalám ke paṛhe aur sune jáne par Khudá kí barkat ho.

Jamá‘at: Khudá ká shukr ho.

Hallelujah: John 1:12. 14

Hallelujah Hallelujah

Kalma mutajassad húá, aur ham men sukúnat pazir húá. Jinhon ne use qabúl kiyá. Us ne unhen iqtidár bakhshá ki Khudáwand ke farzand banen.

Hallelujah 

Injíl I Muqaddas:

(Muqaddas Marqus ke mutábiq) Mark 2:1-12

Ibne Insán ko zamín par gunáh karne ká ikhityár hai.

Injíl I Muqaddas ke wasíle se hamárí khatáen mu‘áf kí jáen.

Jamá‘at: Ai Masíh, terí sitáish ho.

Pák Sharákat kí áyat (Communion Antiphon):

 (Zabúr) Psalm 9:2-3

Ai Haqq Ta‘álá, main tere ‘ajíb kámon ká bayán karúngá,

Main tujh men khush aur shádmán  rahúngá,

Main tere nám kí madah sarahí karúngá.

Or

(Yúhanná ) John 11:27

Ai Khudáwand main ímán láyá ki tú Masíh zinda Khudá ká Beṭá hai, jo dunyá men áyá. 

Prayer before a Crucifix

Salíb ke sámne du‘á

Dekh ai mihrbán aur narm dil Yisú‘, 
Main tere huzúr dozánú hotá hún, 
aur apní rúh kí niháyat garm-joshi ke sáth, 
terí minnat kartá hún, 
ki tú mere dil men ímán, ummed, aur piyár ka tez fahm, 
aur apní khatáon kí ek sachchí tauba, 
aur un ke durust karne ko, 
niháyat mazbút iráda paidá kar.

Jab main Dáúd nabí ke un lafzon ko yád kartá hún, 
jo us ne peshtar hí terí bábat kahe, 
ki unhon ne mere háth aur pánw chhede, 
aur merí sárí haḍḍiyan ginín. 
To main baṛe piyár aur gham ke sáth, 
tere pánchon zakhmon par, 
apne dil men ghaur kartá hún. 


Ámín.