Advent Week 1 B — 29 Nov to 5 Dec 2026,
Ámad ká Pahlá Haftah · B (Sál-e Doyam)
ایامِ آمد کا پہلا ہفتہ
The complete Mass for every day of this week of Advent — Entrance Antiphon, Collect, readings, Psalm, Halleluyah, Gospel and the prayers — first in Roman Urdu, then in Urdu script. Prayers from the Rúmání Quddás Námah (Roman Missal, Urdu); readings from the Tiláwat Námah, Hissah Awwal.
Fehrist / Contents
- First Sunday of Advent — Ámad ká Pahlá Itwár
- Monday 30 November 2026 · St Andrew, Apostle · Feast — Muqaddas Andriyás Rasúl
- Tuesday of the First Week of Advent · 1 December 2026 — Mangal, 1 December
- Wednesday of the First Week of Advent · 2 December 2026 — Budh, 2 December
- Thursday 3 December 2026 · St Francis Xavier, Priest · Memorial (readings of the Advent weekday) — Muqaddas Fransis Zevier — Káhin
- Friday of the First Week of Advent · 4 December 2026 — Jum‘ah, 4 December
- Saturday of the First Week of Advent · 5 December 2026 — Haftah, 5 December
Ámad ká Pahlá Itwár
Dákhilah — Zabúr 24 (25):1–3
Ai mere Khudá, merá ásrá tú hí hai, merá bharosah tujh hí par hai. Mujhe sharmindah na hone de, mere dushman merí haṉsí na uṛáeṉ. Balki terá koí bhí muntazir pareshán na ho.
Jamá‘atí Du‘á — Collect
Ai Qádir-e Mutlaq Khudá,
apne mominoṉ ko yih pukhtah irádah ‘atá kar
ki áne wále Masíh ká istiqbál apne nek kámoṉ se kareṉ,
ek din un meṉ gine jáeṉ jo us kí dáhiní jánib khaṛe haiṉ
aur ásmání bádsháhí kí mírás páeṉ.
Masíh hamáre Khudáwand ke wasíle se jo tere sáth
Rúh-ul-Quds kí wahdániyat meṉ Khudá hai
aur hameshah se hameshah tak zindah rahtá aur saltanat kartá hai. Ámín.
Pahlí Tiláwat — Ash‘iyá Nabí ká Sahífah 63:16, 17 aur 64:1, 3–8
Káshki tú ásmán ko pháṛe aur utar áe ki paháṛ terí huzúrí se pighal jáeṉ.
Ai Khudáwand, tú hí hamárá báp hai. Tú hí qadím se hamárá fidiyah dene wálá kahlátá hai. Ai Khudáwand, kyúṉ tú ne apní ráhoṉ se hameṉ bhaṭakne diyá aur hamáre diloṉ ko sakht kiyá tá ki tujh se na ḍareṉ? Apne bandoṉ kí khátir, ya‘ní apní mírás ke qabáil kí khátir, hamárí taraf phir á. Na kán ne suná aur na áṉkh ne dekhá ki tere siwá koí aur Khudá apne muntazirín ke liye kuchh kartá hai. Tú use miltá hai jo khushí se sadáqat ká kám kartá aur terí ráhoṉ meṉ tujhe yád rakhtá hai.
Dekh, tú ghussah huá par ham gunáh karte gae. Tú hamárí sharárat ko dekh kar baṛbaṛáyá par ham badí karte rahe. Aur ham sab ke sab nápákoṉ kí tarah ho gae aur hamárí tamám sadáqat párchah-e haiz kí mánind huí. Ham sab pattoṉ kí tarah girte haiṉ aur hamárí badiyáṉ ham ko hawá kí mánind uṛá le játí haiṉ. Aur koí báqí nahíṉ jo tere nám ko pukáre aur na koí ámádah hai jo tujh se lipṭá rahe, kyúṉki tú ne apná chihrah ham se chhipáyá aur hamárí badí ke háth se tú ne ham ko pighlá diyá.
Aur ab ai Khudáwand, tú hamárá báp hai. Ham miṭṭí haiṉ, tú hamárá banáne wálá hai, aur ham sab tere háth ká kám haiṉ.
Pák kalám ke paṛhe aur sune jáne par Khudá kí barakat ho.
Zabúr — 79 (80):2, 3, 15, 16, 18, 19 (Jamá‘atí Jawáb: áyat 4)
(Jamá‘atí Jawáb) Ai lashkaroṉ ke Khudá, ham ko bahál kar, aur apne chihre ká núr ham par chamká aur ham bach jáeṉge.
1. Ai Isráíl ke chaupán, sun le. Apne karúbíoṉ ke takht se jalwahgar ho.
Apní quwwat ko bedár kar aur hameṉ bacháne ko á.
(Jamá‘atí Jawáb) Ai lashkaroṉ ke Khudá…
2. Ai lashkaroṉ ke Khudá, lauṭ á.
Ásmán par se nigáh kar ke dekh aur is ták kí khabar le,
jise tere dahne háth ne lagáyá hai.
(Jamá‘atí Jawáb) Ai lashkaroṉ ke Khudá…
3. Terá háth tere yamín ke mard par ho,
ya‘ní us ibn-e insán par jise tú ne apní quwwat ‘atá kí hai.
Phir ham tujh se bargashtah na hoṉge.
Hameṉ zindagí ‘atá kar aur ham terá nám liyá kareṉge.
(Jamá‘atí Jawáb) Ai lashkaroṉ ke Khudá…
Dúsrí Tiláwat — Muqaddas Paulus Rasúl ká pahlá khatt Qurintiyoṉ ke nám 1:3–9
Ham apne Khudáwand Yisú‘ Masíh ke záhir hone kí ráh takte haiṉ.
Ai bháiyo! Hamáre báp Khudá kí aur Khudáwand Yisú‘ Masíh kí taraf se fazl aur salámatí tumheṉ hásil hotí rahe.
Maiṉ Khudá ke us fazl kí bábat jo Yisú‘ Masíh meṉ tum ko bakhshá gayá hai, tumhárí bábat hameshah apne Khudá ká shukr kartá húṉ, ki tum us meṉ har kalám aur har ‘ilm ke liház se har hál daulatmand ho gae ho. Chunáṉchi Masíh kí gawáhí tum meṉ qáim huí, yahán tak ki tum hamáre Khudáwand Yisú‘ Masíh ke záhir hone kí ráh takte hue kisí ni‘mat meṉ kam nahíṉ ho. Wahí tum ko ákhir tak qáim bhí rakhegá tá ki tum hamáre Khudáwand Yisú‘ Masíh ke din be‘aib ṭhahro. Khudá wafádár hai jis ne tumheṉ apne beṭe hamáre Khudáwand Yisú‘ Masíh kí shirákat ke liye buláyá hai.
Pák kalám ke paṛhe aur sune jáne par Khudá kí barakat ho.
Halleluyah — Zabúr 84 (85):8
Halleluyah, Halleluyah. Ai Khudáwand, apní shafqat ham ko dikhá, aur apní naját hameṉ bakhsh. Halleluyah.
Injíl-e Muqaddas — Muqaddas Marqus ke mutábiq 13:33–37
Jágte raho, kyúṉki tum nahíṉ jánte ki ghar ká málik kab áegá.
Us waqt Yisú‘ ne apne shágirdoṉ se kahá: "Tum khabardár aur jágte raho aur du‘á karo, kyúṉki tum nahíṉ jánte ki woh waqt kab hogá. Yih us shakhs kí tarah hai jo ghar chhoṛ kar ghair mulk meṉ chalá gayá ho, aur apne ghulámoṉ ko ikhtiyár aur har ek ko us ká kám diyá, aur darbán ko hukm diyá ho ki jágtá rahe. Pas tum jágte raho, kyúṉki tum nahíṉ jánte ki ghar ká málik kab áegá: shám ko, yá ádhí rát ko, yá murgh ke báṉg dete waqt, yá subh ko. Aisá na ho ki achának á kar woh tumheṉ sotá páe. Aur jo kuchh maiṉ tum se kahtá húṉ, wahí sab se kahtá húṉ ki jágte raho."
Injíl-e Muqaddas ke wasíle se hamáre gunáh mu‘áf kiye jáeṉ.
Nazránoṉ par Du‘á — Prayer over the Offerings
Ai Khudáwand hamáre Khudá,
hamáre in nazránoṉ ko qabúl kar
jo ham tujh hí se páí huí ni‘matoṉ meṉ se terí nazr karte haiṉ.
Jo kuchh ham is jahán meṉ ‘aqídat ke sáth karte haiṉ
woh hameṉ terí dá’imí naját ká in‘ám diláe.
Masíh hamáre Khudáwand ke wasíle se. Ámín.
Tamhídí Hamd — Preface
Ámad — Alif (1): Preface I of Advent
Pák Shirákat kí Áyat — Zabúr 84 (85):13
Khudáwand hameṉ khushhálí ‘atá karegá aur hamárí sarzamín phal paidá karegí.
Pák Shirákat ke Ba‘d kí Du‘á — Prayer after Communion
Ai Khudáwand hamáre Khudá,
yih ‘ibádat hameṉ terá khás fazl diláe.
Is meṉ sharík hone se ham par yih raushan ho
ki kis tarah is fání duniyá meṉ rahte hue bhí
hamáre dil ghair-fání jahán par lage raheṉ
aur ham ásmání chízoṉ ko ziyádah ‘azíz jáneṉ.
Masíh hamáre Khudáwand ke wasíle se. Ámín.
داخلہ — زبور 24 (25) : 1 – 3
اے میرے خدا، میرا آسرا تُو ہی ہے، میرا بھروسہ تجھ ہی پر ہے۔ مجھے شرمندہ نہ ہونے دے، میرے دشمن میری ہنسی نہ اُڑائیں۔ بلکہ تیرا کوئی بھی منتظر پریشان نہ ہو۔
جماعتی دُعا
اے قادرِ مطلق خدا،
اپنے مومنوں کو یہ پختہ ارادہ عطا کر
کہ آنے والے مسیح کا استقبال اپنے نیک کاموں سے کریں،
ایک دن اُن میں گنے جائیں جو اُس کی داہنی جانب کھڑے ہیں
اور آسمانی بادشاہی کی میراث پائیں۔
مسیح ہمارے خداوند کے وسیلے سے جو تیرے ساتھ
روح القدس کی وحدانیت میں خدا ہے
اور ہمیشہ سے ہمیشہ تک زندہ رہتا اور سلطنت کرتا ہے۔ آمین۔
پہلی تلاوت — اشعیا نبی کا صحیفہ 63 : 16، 17 اور 64 : 1، 3 – 8
کاش کہ تُو آسمان کو پھاڑے اور اُتر آئے کہ پہاڑ تیری حضوری سے پگھل جائیں۔
اے خداوند، تُو ہی ہمارا باپ ہے۔ تُو ہی قدیم سے ہمارا فدیہ دینے والا کہلاتا ہے۔ اے خداوند، کیوں تُو نے اپنی راہوں سے ہمیں بھٹکنے دیا اور ہمارے دلوں کو سخت کیا تاکہ تجھ سے نہ ڈریں؟ اپنے بندوں کی خاطر یعنی اپنی میراث کے قبائل کی خاطر ہماری طرف پھر آ۔ نہ کان نے سُنا اور نہ آنکھ نے دیکھا کہ تیرے سوا کوئی اور خدا اپنے منتظرین کے لئے کچھ کرتا ہے۔ تُو اُسے ملتا ہے جو خوشی سے صداقت کا کام کرتا اور تیری راہوں میں تجھے یاد رکھتا ہے۔
دیکھ، تُو غصّہ ہُوا پر ہم گناہ کرتے گئے۔ تُو ہماری شرارت کو دیکھ کر بڑبڑایا پر ہم بدی کرتے رہے۔ اور ہم سب کے سب ناپاکوں کی طرح ہو گئے اور ہماری تمام صداقت پارچۂ حیض کی مانند ہوئی۔ ہم سب پتّوں کی طرح گرتے ہیں اور ہماری بدیاں ہم کو ہوا کی مانند اُڑا لے جاتی ہیں۔ اور کوئی باقی نہیں جو تیرے نام کو پکارے اور نہ کوئی آمادہ ہے جو تجھ سے لپٹا رہے۔ کیونکہ تُو نے اپنا چہرہ ہم سے چھپایا اور ہماری بدی کے ہاتھ سے تُو نے ہم کو پگھلا دیا۔
اور اب اے خداوند، تُو ہمارا باپ ہے۔ ہم مٹّی ہیں، تُو ہمارا بنانے والا ہے۔ اور ہم سب تیرے ہاتھ کا کام ہیں۔
پاک کلام کے پڑھے اور سُنے جانے پر خدا کی برکت ہو۔
زبور — 79 (80) : 2، 3، 15، 16، 18، 19 (جماعتی جواب: آیت 4)
(جماعتی جواب) اے لشکروں کے خدا، ہم کو بحال کر، اور اپنے چہرے کا نور ہم پر چمکا اور ہم بچ جائیں گے۔
1۔ اے اسرائیل کے چوپان، سُن لے۔ اپنے کروبیوں کے تخت سے جلوہ گر ہو۔
اپنی قوّت کو بیدار کر اور ہمیں بچانے کو آ۔
(جماعتی جواب) اے لشکروں کے خدا…
2۔ اے لشکروں کے خدا، لَوٹ آ۔
آسمان پر سے نگاہ کر کے دیکھ اور اِس تاک کی خبر لے،
جسے تیرے دہنے ہاتھ نے لگایا ہے۔
(جماعتی جواب) اے لشکروں کے خدا…
3۔ تیرا ہاتھ تیرے یمین کے مرد پر ہو،
یعنی اُس ابنِ انسان پر جسے تُو نے اپنی قوّت عطا کی ہے۔
پھر ہم تجھ سے برگشتہ نہ ہوں گے۔
ہمیں زندگی عطا کر اور ہم تیرا نام لیا کریں گے۔
(جماعتی جواب) اے لشکروں کے خدا…
دوسری تلاوت — مقدس پولوس رسول کا پہلا خط قرنتیوں کے نام 1 : 3 – 9
ہم اپنے خداوند یسوع مسیح کے ظاہر ہونے کی راہ تکتے ہیں۔
اے بھائیو! ہمارے باپ خدا کی اور خداوند یسوع مسیح کی طرف سے فضل اور سلامتی تمہیں حاصل ہوتی رہے۔
میں خدا کے اُس فضل کی بابت جو یسوع مسیح میں تم کو بخشا گیا ہے تمہاری بابت ہمیشہ اپنے خدا کا شکر کرتا ہوں، کہ تم اُس میں ہر کلام اور ہر علم کے لحاظ سے ہر حال دولتمند ہو گئے ہو۔ چنانچہ مسیح کی گواہی تم میں قائم ہوئی۔ یہاں تک کہ تم ہمارے خداوند یسوع مسیح کے ظاہر ہونے کی راہ تاکتے ہوئے کسی نعمت میں کم نہیں ہو۔ وہی تم کو آخر تک قائم بھی رکھے گا تاکہ تم ہمارے خداوند یسوع مسیح کے دن بے عیب ٹھہرو۔ خدا وفادار ہے جس نے تمہیں اپنے بیٹے ہمارے خداوند یسوع مسیح کی شراکت کے لئے بُلایا ہے۔
پاک کلام کے پڑھے اور سُنے جانے پر خدا کی برکت ہو۔
ہیلیلویاہ — زبور 84 (85) : 8
ہیلیلویاہ، ہیلیلویاہ۔ اے خداوند، اپنی شفقت ہم کو دکھا، اور اپنی نجات ہمیں بخش۔ ہیلیلویاہ۔
انجیلِ مقدس — مقدس مرقس کے مطابق 13 : 33 – 37
جاگتے رہو، کیونکہ تم نہیں جانتے کہ گھر کا مالک کب آئے گا۔
اُس وقت یسوع نے اپنے شاگردوں سے کہا: ”تم خبردار اور جاگتے رہو اور دُعا کرو، کیونکہ تم نہیں جانتے کہ وہ وقت کب ہوگا۔ یہ اُس شخص کی طرح ہے جو گھر چھوڑ کر غیر ملک میں چلا گیا ہو، اور اپنے غلاموں کو اختیار اور ہر ایک کو اُس کا کام دیا، اور دربان کو حکم دیا ہو کہ جاگتا رہے۔ پس تم جاگتے رہو، کیونکہ تم نہیں جانتے کہ گھر کا مالک کب آئے گا: شام کو، یا آدھی رات کو، یا مرغ کے بانگ دیتے وقت، یا صبح کو۔ ایسا نہ ہو کہ اچانک آ کر وہ تمہیں سوتا پائے۔ اور جو کچھ میں تم سے کہتا ہوں، وہی سب سے کہتا ہوں کہ جاگتے رہو۔“
انجیلِ مقدس کے وسیلے سے ہمارے گناہ مُعاف کئے جائیں۔
نذرانوں پر دُعا
اے خداوند ہمارے خدا،
ہمارے ان نذرانوں کو قبول کر
جو ہم تجھ ہی سے پائی ہوئی نعمتوں میں سے تیری نذر کرتے ہیں۔
جو کچھ ہم اِس جہان میں عقیدت کے ساتھ کرتے ہیں
وہ ہمیں تیری دائمی نجات کا انعام دلائے۔
مسیح ہمارے خداوند کے وسیلے سے۔ آمین۔
تمہیدی حمد
آمد — الف (۱)
پاک شراکت کی آیت — زبور 84 (85) : 13
خداوند ہمیں خوشحالی عطا کرے گا اور ہماری سرزمین پھل پیدا کرے گی۔
پاک شراکت کے بعد کی دُعا
اے خداوند ہمارے خدا،
یہ عبادت ہمیں تیرا خاص فضل دلائے۔
اِس میں شریک ہونے سے ہم پر یہ روشن ہو
کہ کس طرح اِس فانی دنیا میں رہتے ہوئے بھی
ہمارے دل غیر فانی جہان پر لگے رہیں
اور ہم آسمانی چیزوں کو زیادہ عزیز جانیں۔
مسیح ہمارے خداوند کے وسیلے سے۔ آمین۔
Muqaddas Andriyás Rasúl
Dákhilah — Mattí 4:18–19
Khudáwand ne Jalíl kí jhíl ke kináre do bháiyoṉ Patras aur Andriyás ko dekhá aur yih kah kar un ko buláyá ki mere píchhe chale áo ki maiṉ tumheṉ ádam-gír banáúṉgá.
Jamá‘atí Du‘á — Collect
Ai ‘Azím Khudáwand Khudá,
hamárí sun kar ‘ináyat farmá ki
jis tarah Muqaddas Andriyás Rasúl terí Kalísiyá ká wá‘iz aur ráhbar rahá,
woh isí tarah hameshah hamárí sifárisheṉ kartá rahe.
Masíh hamáre Khudáwand ke wasíle se jo tere sáth
Rúh-ul-Quds kí wahdániyat meṉ Khudá hai
aur hameshah se hameshah tak zindah rahtá aur saltanat kartá hai. Ámín.
Readings: Romans 10:9–18; Psalm 18 (19):2–5; Matthew 4:18–22. These are not in the Tiláwat Námah Part 1 (Advent–Christmas); use the Lectionary section for saints' days.
Nazránoṉ par Du‘á — Prayer over the Offerings
Ai Qádir-e Mutlaq Khudá,
bakhsh de ki jo nazránah ham Muqaddas Andriyás kí ‘íd ke mauqa‘ par láe haiṉ
woh terá maqbúl-e nazar ho
aur tujhe pasand áe aur hameṉ zindagí diláe.
Masíh hamáre Khudáwand ke wasíle se. Ámín.
Tamhídí Hamd — Preface
Muqaddas Rasúl: Preface of the Apostles
Pák Shirákat kí Áyat — Yúhanná 1:41–42
Andriyás ne apne bháí Sham‘ún se kahá ki hameṉ al-Masíh milá hai, aur woh use Yisú‘ ke pás le gae.
Pák Shirákat ke Ba‘d kí Du‘á — Prayer after Communion
Ai Khudáwand hamáre Khudá,
bakhsh de ki ham terí is pák ‘ibádat meṉ sharík ho kar
mazbút baneṉ, aur Muqaddas Andriyás Rasúl kí pairawí kar ke
Masíh ke sáth maut ke zer-e ikhtiyár hone ke ba‘d
usí ke sáth jalál meṉ jíne páeṉ,
jo tere sáth
hameshah se hameshah tak zindah rahtá aur saltanat kartá hai. Ámín.
داخلہ — متی 4 : 18 – 19
خداوند نے جلیل کی جھیل کے کنارے دو بھائیوں پطرس اور اندریاس کو دیکھا اور یہ کہہ کر اُن کو بلایا کہ میرے پیچھے چلے آؤ کہ میں تمہیں آدم گیر بناؤں گا۔
جماعتی دُعا
اے عظیم خداوند خدا،
ہماری سن کر عنایت فرما کہ
جس طرح مقدس اندریاس رسول تیری کلیسیا کا واعظ اور راہبر رہا،
وہ اِسی طرح ہمیشہ ہماری سفارشیں کرتا رہے۔
مسیح ہمارے خداوند کے وسیلے سے جو تیرے ساتھ
روح القدس کی وحدانیت میں خدا ہے
اور ہمیشہ سے ہمیشہ تک زندہ رہتا اور سلطنت کرتا ہے۔ آمین۔
تلاوتیں: رومیوں 10 : 9 – 18؛ زبور 18 (19) : 2 – 5؛ متی 4 : 18 – 22 — یہ تلاوتیں تلاوت نامہ حصّہ اوّل میں موجود نہیں (مقدسین کی عیدوں کا حصّہ دیکھیں)۔
نذرانوں پر دُعا
اے قادرِ مطلق خدا،
بخش دے کہ جو نذرانہ ہم مقدس اندریاس کی عید کے موقع پر لائے ہیں
وہ تیرا مقبولِ نظر ہو
اور تجھے پسند آئے اور ہمیں زندگی دلائے۔
مسیح ہمارے خداوند کے وسیلے سے۔ آمین۔
تمہیدی حمد
مقدس رسول
پاک شراکت کی آیت — یوحنا 1 : 41 – 42
اندریاس نے اپنے بھائی شمعون سے کہا کہ ہمیں المسیح ملا ہے، اور وہ اُسے یسوع کے پاس لے گئے۔
پاک شراکت کے بعد کی دُعا
اے خداوند ہمارے خدا،
بخش دے کہ ہم تیری اِس پاک عبادت میں شریک ہو کر
مضبوط بنیں، اور مقدس اندریاس رسول کی پیروی کر کے
مسیح کے ساتھ موت کے زیرِ اختیار ہونے کے بعد
اُسی کے ساتھ جلال میں جینے پائیں،
جو تیرے ساتھ
ہمیشہ سے ہمیشہ تک زندہ رہتا اور سلطنت کرتا ہے۔ آمین۔
Mangal, 1 December
Dákhilah — Zakariyá 14:5, 7
Dekho, Khudáwand Khudá áegá aur us ke muqarrab farishte us ke sáth hoṉge. Us din baṛí raushní hogí.
Jamá‘atí Du‘á — Collect
Ai Khudáwand hamáre Khudá,
hamárí iltijáoṉ ko sun kar ham se rází ho
aur apní rahmat se ham pareshánoṉ kí madad kar,
tá ki tere Beṭe ká áná hameṉ tasallí bakhshe
aur ham pahle kí badí se phir kabhí áludah na hoṉ.
Masíh hamáre Khudáwand ke wasíle se jo tere sáth
Rúh-ul-Quds kí wahdániyat meṉ Khudá hai
aur hameshah se hameshah tak zindah rahtá aur saltanat kartá hai. Ámín.
Pahlí Tiláwat — Ash‘iyá Nabí ká Sahífah 11:1–10
Us par Khudáwand kí Rúh ne qarár páyá hai.
Us waqt Yassí ke tane se ek koṉpal niklegí, aur us kí jaṛ se ek naunihál ugegá. Aur us par Khudáwand kí Rúh qarár páegí, ya‘ní hikmat aur fahm kí rúh, mashwarat aur quwwat kí rúh, ma‘rifat aur Khudáwand ke khauf kí rúh. Aur Khudáwand ke khauf meṉ us kí khushnúdí hogí. Woh na apní áṉkhoṉ ke dekhne ke mutábiq insáf karegá, aur na apne kánoṉ ke sunne ke muwáfiq faislah karegá, balki miskínoṉ ká ‘adl se insáf karegá, aur zamín ke gharíboṉ ká rástí se faislah karegá. Aur woh zálim ko apne muṉh kí chhaṛí se máregá, aur sharír ko apne laboṉ ke dam se halák karegá. ‘Adl us kí kamar ká paṭká hogá, aur sadáqat us kí píṭh ká bandhan hogí.
Bheṛiyá barre ke sáth rahegá, aur chítá halwán ke sáth baiṭhegá, aur bachhṛá aur sher-bachchah ikaṭṭhe baseṉge, aur ek chhoṭá bachchah un kí hidáyat karegá. Gáe aur ríchhní ikaṭṭhí chareṉgí aur un ke bachche ikaṭṭhe raheṉge, aur sher-e babar bail kí tarah bhúsá kháegá. Aur shírkhwár bachchah af‘í ke bil ke pás khelegá, aur dúdh chhuṛáyá huá laṛká azhdahá ke súrákh meṉ apná háth ḍálegá. Woh mere Koh-e Muqaddas par kahíṉ dukh na deṉge aur fasád na kareṉge, kyúṉki zamín Khudáwand kí ma‘rifat se pur hogí jis tarah pání samundar kí tah ko ḍháṉptá hai.
Us roz Yassí kí us jaṛ ko, ki jo ummat ke liye jhanḍe kí tarah qáim hai, ghair qaumeṉ talásh kareṉgí, aur us kí jáe-sukúnat jalíl hogí.
Pák kalám ke paṛhe aur sune jáne par Khudá kí barakat ho.
Zabúr — 71 (72):1, 2, 7, 8, 12, 13, 17 (Jamá‘atí Jawáb: áyat 7)
(Jamá‘atí Jawáb) Us ke ayyám meṉ rástí shaguftah hogí, aur jab tak chánd qáim hai aman kí farawání rahegí.
1. Ai Khudá, sháh ko apná ‘adl
aur shahzáde ko apná sidq ‘atá farmá.
To woh sadáqat se terí qaum par
aur insáf se tere gharíboṉ par hukmrán hogá.
(Jamá‘atí Jawáb) Us ke ayyám meṉ…
2. Us ke ayyám meṉ rástí shaguftah hogí,
aur jab tak chánd qáim hai aman kí farawání rahegí.
Aur woh samundar se samundar tak
aur daryá se le kar intihá-e zamín tak hukúmat karegá.
(Jamá‘atí Jawáb) Us ke ayyám meṉ…
3. Kyúṉki woh muhtáj ko jab woh faryád kare,
aur gharíb ko jis ká koí madadgár na ho chhuṛáegá.
Woh miskín-o-muhtáj par taras kháegá
aur muhtájoṉ kí jáneṉ bacháegá.
(Jamá‘atí Jawáb) Us ke ayyám meṉ…
4. Us ká nám abad tak mutabarrak rahegá.
Jab tak áftáb hai us ká nám qáim rahegá.
Tamám qaumeṉ use mubárak kaheṉgí.
(Jamá‘atí Jawáb) Us ke ayyám meṉ…
Halleluyah — Zabúr 84 (85):8
Halleluyah, Halleluyah. Ai Khudáwand, apní shafqat ham ko dikhá, aur apní naját hameṉ bakhsh. Halleluyah.
Injíl-e Muqaddas — Muqaddas Lúqá ke mutábiq 10:21–24
Yisú‘ Rúh-ul-Quds meṉ masrúr huá.
Us waqt yih huá ki Yisú‘ Rúh-ul-Quds meṉ masrúr huá, aur tab Yisú‘ ne kahá: "Ai Báp, ásmán aur zamín ke Khudáwand, maiṉ terá shukr kartá húṉ ki tú ne in bátoṉ ko dánáoṉ aur ‘aqlmandoṉ se chhipáyá aur chhoṭoṉ par záhir kiyá. Háṉ ai Báp, kyúṉki yúṉ hí tujhe pasand áyá. Mere Báp se sab kuchh mujhe saumpá gayá hai, aur koí nahíṉ jántá ki Beṭá kaun hai siwá Báp ke, aur Báp kaun hai siwá Beṭe ke aur us shakhs ke jis par Beṭá use záhir karná cháhe." Aur apne shágirdoṉ kí taraf tawajjuh kar ke khás unhí se kahá: "Mubárak haiṉ woh áṉkheṉ jo yih báteṉ dekhtí haiṉ jinheṉ tum dekhte ho. Kyúṉki maiṉ tum se kahtá húṉ ki bahut se nabiyoṉ aur bádsháhoṉ ne cháhá ki jo tum dekhte ho dekheṉ magar na dekhá, aur jo tum sunte ho suneṉ magar na suná."
Injíl-e Muqaddas ke wasíle se hamáre gunáh mu‘áf kiye jáeṉ.
Nazránoṉ par Du‘á — Prayer over the Offerings
Ai Khudáwand hamáre Khudá,
ham khák-sároṉ kí du‘áeṉ aur nazreṉ qabúl kar ke ham se rází ho.
Aur chúṉki ham meṉ koí khás fazílat maujúd nahíṉ,
tú apní shafqat aur mihrbání se hamárí madad ko á.
Masíh hamáre Khudáwand ke wasíle se. Ámín.
Tamhídí Hamd — Preface
Ámad — Alif (1): Preface I of Advent
Pák Shirákat kí Áyat — 2 Tímutáus 4:8
‘Ádil munsif sadáqat ká táj unheṉ degá jo us kí ámad ke árzúmand haiṉ.
Pák Shirákat ke Ba‘d kí Du‘á — Prayer after Communion
Ai Khudáwand hamáre Khudá,
tú ne hameṉ rúhání khurák khilá kar hamárí khwáhish púrí kar dí hai.
Ham tujh se minnat karte haiṉ,
is pák ‘ibádat meṉ sharík hone se hameṉ sikhá
ki ham is jahán kí chízoṉ ko ‘aqlmandí ke sáth jáṉch leṉ
aur ásmán kí chízoṉ kí tamanná kareṉ.
Masíh hamáre Khudáwand ke wasíle se. Ámín.
داخلہ — زکریا 14 : 5، 7
دیکھو، خداوند خدا آئے گا اور اُس کے مقرّب فرشتے اُس کے ساتھ ہوں گے۔ اُس دن بڑی روشنی ہوگی۔
جماعتی دُعا
اے خداوند ہمارے خدا،
ہماری التجاؤں کو سُن کر ہم سے راضی ہو
اور اپنی رحمت سے ہم پریشانوں کی مدد کر،
تاکہ تیرے بیٹے کا آنا ہمیں تسلّی بخشے
اور ہم پہلے کی بدی سے پھر کبھی آلودہ نہ ہوں۔
مسیح ہمارے خداوند کے وسیلے سے جو تیرے ساتھ
روح القدس کی وحدانیت میں خدا ہے
اور ہمیشہ سے ہمیشہ تک زندہ رہتا اور سلطنت کرتا ہے۔ آمین۔
پہلی تلاوت — اشعیا نبی کا صحیفہ 11 : 1 – 10
اُس پر خداوند کی روح نے قرار پایا ہے۔
اُس وقت یسّی کے تنے سے ایک کونپل نکلے گی، اور اُس کی جڑ سے ایک نونہال اُگے گا۔ اور اُس پر خداوند کی روح قرار پائے گی، یعنی حکمت اور فہم کی روح، مشورت اور قوّت کی روح، معرفت اور خداوند کے خوف کی روح۔ اور خداوند کے خوف میں اُس کی خوشنودی ہوگی۔ وہ نہ اپنی آنکھوں کے دیکھنے کے مطابق انصاف کرے گا، اور نہ اپنے کانوں کے سُننے کے موافق فیصلہ کرے گا، بلکہ مسکینوں کا عدل سے انصاف کرے گا، اور زمین کے غریبوں کا راستی سے فیصلہ کرے گا۔ اور وہ ظالم کو اپنے مُنہ کی چھڑی سے مارے گا، اور شریر کو اپنے لبوں کے دم سے ہلاک کرے گا۔ عدل اُس کی کمر کا پٹکا ہوگا، اور صداقت اُس کی پیٹھ کا بندھن ہوگی۔
بھیڑیا برّے کے ساتھ رہے گا، اور چیتا حلوان کے ساتھ بیٹھے گا، اور بچھڑا اور شیر بچہ اکٹھے بسیں گے، اور ایک چھوٹا بچہ اُن کی ہدایت کرے گا۔ گائے اور ریچھنی اکٹھی چریں گی اور اُن کے بچے اکٹھے رہیں گے، اور شیرِ ببر بیل کی طرح بھوسا کھائے گا۔ اور شیرخوار بچہ افعی کے بِل کے پاس کھیلے گا، اور دودھ چھڑایا ہوا لڑکا اژدہا کے سوراخ میں اپنا ہاتھ ڈالے گا۔ وہ میرے کوہِ مقدس پر کہیں دُکھ نہ دیں گے اور فساد نہ کریں گے، کیونکہ زمین خداوند کی معرفت سے پُر ہوگی جس طرح پانی سمندر کی تہہ کو ڈھانپتا ہے۔
اُس روز یسّی کی اُس جڑ کو، کہ جو اُمّت کے لئے جھنڈے کی طرح قائم ہے، غیر قومیں تلاش کریں گی، اور اُس کی جائے سکونت جلیل ہوگی۔
پاک کلام کے پڑھے اور سُنے جانے پر خدا کی برکت ہو۔
زبور — 71 (72) : 1، 2، 7، 8، 12، 13، 17 (جماعتی جواب: آیت 7)
(جماعتی جواب) اُس کے ایّام میں راستی شگفتہ ہوگی، اور جب تک چاند قائم ہے امن کی فراوانی رہے گی۔
1۔ اے خدا، شاہ کو اپنا عدل
اور شہزادے کو اپنا صدق عطا فرما۔
تو وہ صداقت سے تیری قوم پر
اور انصاف سے تیرے غریبوں پر حکمران ہوگا۔
(جماعتی جواب) اُس کے ایّام میں…
2۔ اُس کے ایّام میں راستی شگفتہ ہوگی،
اور جب تک چاند قائم ہے امن کی فراوانی رہے گی۔
اور وہ سمندر سے سمندر تک
اور دریا سے لے کر انتہائے زمین تک حکومت کرے گا۔
(جماعتی جواب) اُس کے ایّام میں…
3۔ کیونکہ وہ محتاج کو جب وہ فریاد کرے،
اور غریب کو جس کا کوئی مددگار نہ ہو چھڑائے گا۔
وہ مسکین و محتاج پر ترس کھائے گا
اور محتاجوں کی جانیں بچائے گا۔
(جماعتی جواب) اُس کے ایّام میں…
4۔ اُس کا نام ابد تک متبرک رہے گا۔
جب تک آفتاب ہے اُس کا نام قائم رہے گا۔
تمام قومیں اُسے مبارک کہیں گی۔
(جماعتی جواب) اُس کے ایّام میں…
ہیلیلویاہ — زبور 84 (85) : 8
ہیلیلویاہ، ہیلیلویاہ۔ اے خداوند، اپنی شفقت ہم کو دکھا، اور اپنی نجات ہمیں بخش۔ ہیلیلویاہ۔
انجیلِ مقدس — مقدس لوقا کے مطابق 10 : 21 – 24
یسوع روح القدس میں مسرور ہوا۔
اُس وقت یہ ہوا کہ یسوع روح القدس میں مسرور ہوا، اور تب یسوع نے کہا: ”اے باپ، آسمان اور زمین کے خداوند، میں تیرا شکر کرتا ہوں کہ تُو نے اِن باتوں کو داناؤں اور عقلمندوں سے چھپایا اور چھوٹوں پر ظاہر کیا۔ ہاں اے باپ، کیونکہ یوں ہی تجھے پسند آیا۔ میرے باپ سے سب کچھ مجھے سونپا گیا ہے، اور کوئی نہیں جانتا کہ بیٹا کون ہے سوا باپ کے، اور باپ کون ہے سوا بیٹے کے اور اُس شخص کے جس پر بیٹا اُسے ظاہر کرنا چاہے۔“ اور اپنے شاگردوں کی طرف توجّہ کر کے خاص اُنہی سے کہا: ”مبارک ہیں وہ آنکھیں جو یہ باتیں دیکھتی ہیں جنہیں تم دیکھتے ہو۔ کیونکہ میں تم سے کہتا ہوں کہ بہت سے نبیوں اور بادشاہوں نے چاہا کہ جو تم دیکھتے ہو دیکھیں مگر نہ دیکھا، اور جو تم سنتے ہو سنیں مگر نہ سنا۔“
انجیلِ مقدس کے وسیلے سے ہمارے گناہ مُعاف کئے جائیں۔
نذرانوں پر دُعا
اے خداوند ہمارے خدا،
ہم خاکساروں کی دُعائیں اور نذریں قبول کر کے ہم سے راضی ہو۔
اور چونکہ ہم میں کوئی خاص فضیلت موجود نہیں،
تُو اپنی شفقت اور مہربانی سے ہماری مدد کو آ۔
مسیح ہمارے خداوند کے وسیلے سے۔ آمین۔
تمہیدی حمد
آمد — الف (۱)
پاک شراکت کی آیت — 2 تیموتاؤس 4 : 8
عادل منصف صداقت کا تاج اُنہیں دے گا جو اُس کی آمد کے آرزومند ہیں۔
پاک شراکت کے بعد کی دُعا
اے خداوند ہمارے خدا،
تُو نے ہمیں روحانی خوراک کھلا کر ہماری خواہش پوری کر دی ہے۔
ہم تجھ سے منّت کرتے ہیں،
اِس پاک عبادت میں شریک ہونے سے ہمیں سکھا
کہ ہم اِس جہان کی چیزوں کو عقلمندی کے ساتھ جانچ لیں
اور آسمان کی چیزوں کی تمنّا کریں۔
مسیح ہمارے خداوند کے وسیلے سے۔ آمین۔
Budh, 2 December
Dákhilah — Habaqqúq 2:3; 1 Qurintiyoṉ 4:5
Khudáwand áegá aur der na karegá. Wuhí andhere kí khufyah báteṉ raushan aur apne áp ko tamám qaumoṉ par záhir karegá.
Jamá‘atí Du‘á — Collect
Ai Khudáwand hamáre Khudá,
apní iláhí qudrat se hamáre diloṉ ko taiyár kar,
tá ki jab Masíh terá Beṭá áe
to ham hameshah kí zindagí ke dastarkhwán ke láiq páe jáeṉ
aur usí ke háth se ásmání ghizá hásil kareṉ,
jo tere sáth Rúh-ul-Quds kí wahdániyat meṉ Khudá hai
aur hameshah se hameshah tak zindah rahtá aur saltanat kartá hai. Ámín.
Pahlí Tiláwat — Ash‘iyá Nabí ká Sahífah 25:6–10
Khudáwand hameṉ apní ziyáfat meṉ bulátá hai aur har chihre se áṉsú poṉchhtá hai.
Un dinoṉ meṉ Rabb-ul-Afwáj is paháṛ par sab aqwám ke liye murghghan ashyá-e khurdaní aur ‘umdah mai kí ziyáfat taiyár karegá, háṉ murghghan aur pur-maghz ashyá-e khurdaní aur ‘umdah mai kí ziyáfat. Aur woh is paháṛ par se us naqáb ko dúr karegá jo tamám aqwám ko chhipátá hai, aur us parde ko jo tamám ummatoṉ ko poshídah rakhtá hai. Woh maut ko hameshah ke liye nest karegá, aur Khudáwand Khudá har chihre se áṉsú poṉchhegá, aur apní ummat kí ruswá’í tamám zamín par se dúr karegá, yaqínan Khudáwand ne farmáyá hai.
Us roz yih kahá jáegá: "Dekh, yih hamárá Khudá hai jis kí ham ne intizárí kí. Woh hameṉ rihá’í degá. Dekh, yih Khudáwand hai jis kí ham ne intizárí kí. Pas ham khush hoṉ aur us kí naját ke sabab se shádmání kareṉ." Kyúṉki Khudáwand ká háth is paháṛ par qarár pakṛegá.
Pák kalám ke paṛhe aur sune jáne par Khudá kí barakat ho.
Zabúr — 22 (23):1–3, 5, 6 (Jamá‘atí Jawáb: áyat 6)
(Jamá‘atí Jawáb) Maiṉ Khudáwand ke ghar meṉ rahúṉgá hameshah se hameshah tak.
1. Khudáwand merá chaupán hai, mujhe koí kamí nahíṉ.
Woh mujhe harí harí charágáhoṉ meṉ biṭhátá hai.
(Jamá‘atí Jawáb) Maiṉ Khudáwand ke ghar meṉ…
2. Woh mujhe ráhat kí nadiyoṉ ke pás le játá hai.
Woh merí ján ko bahál kartá hai.
Woh mujhe apne nám kí khátir
sídhí ráhoṉ par le chaltá hai.
(Jamá‘atí Jawáb) Maiṉ Khudáwand ke ghar meṉ…
3. Tú mere mukhálifoṉ ke rú-ba-rú
mere áge dastarkhwán bichhátá hai.
Tú mere sar ko tel se maltá hai.
Merá jám labrez hotá hai.
(Jamá‘atí Jawáb) Maiṉ Khudáwand ke ghar meṉ…
4. Merí zindagí ke tamám ayyám meṉ
bhalá’í aur karam mere sáth hoṉge,
aur zamánoṉ kí darází tak
maiṉ Khudáwand ke ghar meṉ rahúṉgá.
(Jamá‘atí Jawáb) Maiṉ Khudáwand ke ghar meṉ…
Halleluyah — Ash‘iyá 33:22
Halleluyah, Halleluyah. Khudáwand hamárá hákim hai, Khudáwand hamárá sardár hai, Khudáwand hamárá bádsháh hai, wuhí ham ko bacháegá. Halleluyah.
Injíl-e Muqaddas — Muqaddas Mattí ke mutábiq 15:29–37
Yisú‘ bahutoṉ ko shifá bakhshtá hai aur roṭiyoṉ ko ziyádah kartá hai.
Us waqt Yisú‘ Súr-o-Saidá ke ‘iláqe se rawánah ho kar Jalíl kí jhíl ke nazdík áyá, aur ek paháṛ par chaṛh kar wahíṉ baiṭh gayá. Aur baṛe baṛe hujúm us ke pás áe jin ke pás laṉgṛe, ṭunḍe, andhe, gúṉge aur bahut se aur the, aur unhoṉ ne unheṉ us ke páoṉ par ḍál diyá, aur us ne unheṉ shifá bakhshí. Yahán tak ki hujúm ne ta‘ajjub kiyá jab dekhá ki gúṉge bolte, ṭunḍe tandurust hote, laṉgṛe chalte aur andhe dekhte haiṉ. Aur unhoṉ ne Isráíl ke Khudá kí tamjíd kí.
Tab Yisú‘ ne apne shágirdoṉ ko pás bulá kar kahá: "Mujhe hujúm par taras átá hai, kyúṉki tín din se barábar mere sáth haiṉ aur un ke pás kuchh kháne ko nahíṉ, aur maiṉ nahíṉ cháhtá ki unheṉ bhúká rukhsat karúṉ, aisá na ho ki ráh meṉ máṉde paṛeṉ." Aur shágirdoṉ ne us se kahá: "Bayábán meṉ ham itní roṭiyáṉ kahán se láeṉ ki aise baṛe hujúm ko ser kareṉ?" Tab Yisú‘ ne un se kahá: "Tumháre pás kitní roṭiyáṉ haiṉ?" Aur woh bole: "Sát, aur thoṛí sí chhoṭí machhliyáṉ haiṉ." Tab us ne hujúm ko zamín par baiṭhne ká hukm diyá. Aur un sát roṭiyoṉ aur machhliyoṉ ko le kar shukr kiyá, aur toṛ toṛ kar shágirdoṉ ko detá gayá aur shágird hujúm ko. Aur sab khá kar ser ho gae, aur unhoṉ ne bache hue ṭukṛoṉ se bhare hue sát ṭokre uṭháe.
Injíl-e Muqaddas ke wasíle se hamáre gunáh mu‘áf kiye jáeṉ.
Nazránoṉ par Du‘á — Prayer over the Offerings
Ai Khudáwand hamáre Khudá,
apní Kalísiyá ko yih bakhsh de
ki mominoṉ kí ‘aqídat kí qurbání lagátár terí nazr kí játí rahe,
tá ki ham sab terí ‘ibádat aur sitáish kareṉ,
aur terí naját ham meṉ mukammal taur par asar páe.
Masíh hamáre Khudáwand ke wasíle se. Ámín.
Tamhídí Hamd — Preface
Ámad — Alif (1): Preface I of Advent
Pák Shirákat kí Áyat — Ash‘iyá 40:10; 35:5
Dekho, Khudáwand qudrat ke sáth áegá aur apne ‘ábidoṉ kí áṉkheṉ bíná kar degá.
Pák Shirákat ke Ba‘d kí Du‘á — Prayer after Communion
Ai Khudáwand hamáre Khudá,
terí rahmat ke liye ham tujh se iltijá karte haiṉ.
Bakhsh de ki is pák ‘ibádat kí madad se
ham gunáhoṉ par pashemán hoṉ
aur is tarah áne wálí ‘íd kí sanjídagí ke sáth taiyárí kareṉ.
Masíh hamáre Khudáwand ke wasíle se. Ámín.
داخلہ — حبقوق 2 : 3؛ 1 قرنتیوں 4 : 5
خداوند آئے گا اور دیر نہ کرے گا۔ وُہی اندھیرے کی خفیہ باتیں روشن اور اپنے آپ کو تمام قوموں پر ظاہر کرے گا۔
جماعتی دُعا
اے خداوند ہمارے خدا،
اپنی الٰہی قدرت سے ہمارے دلوں کو تیار کر،
تاکہ جب مسیح تیرا بیٹا آئے
تو ہم ہمیشہ کی زندگی کے دسترخوان کے لائق پائے جائیں
اور اُسی کے ہاتھ سے آسمانی غذا حاصل کریں،
جو تیرے ساتھ روح القدس کی وحدانیت میں خدا ہے
اور ہمیشہ سے ہمیشہ تک زندہ رہتا اور سلطنت کرتا ہے۔ آمین۔
پہلی تلاوت — اشعیا نبی کا صحیفہ 25 : 6 – 10
خداوند ہمیں اپنی ضیافت میں بلاتا ہے اور ہر چہرے سے آنسو پونچھتا ہے۔
اُن دنوں میں ربّ الافواج اِس پہاڑ پر سب اقوام کے لئے مُرغّن اشیائے خوردنی اور عمدہ مَے کی ضیافت تیار کرے گا، ہاں مُرغّن اور پُرمغز اشیائے خوردنی اور عمدہ مَے کی ضیافت۔ اور وہ اِس پہاڑ پر سے اُس نقاب کو دُور کرے گا جو تمام اقوام کو چھپاتا ہے، اور اُس پردے کو جو تمام اُمّتوں کو پوشیدہ رکھتا ہے۔ وہ موت کو ہمیشہ کے لئے نیست کرے گا، اور خداوند خدا ہر چہرے سے آنسو پونچھے گا، اور اپنی اُمّت کی رسوائی تمام زمین پر سے دُور کرے گا، یقیناً خداوند نے فرمایا ہے۔
اُس روز یہ کہا جائے گا: ”دیکھ، یہ ہمارا خدا ہے جس کی ہم نے انتظاری کی۔ وہ ہمیں رہائی دے گا۔ دیکھ، یہ خداوند ہے جس کی ہم نے انتظاری کی۔ پس ہم خوش ہوں اور اُس کی نجات کے سبب سے شادمانی کریں۔“ کیونکہ خداوند کا ہاتھ اِس پہاڑ پر قرار پکڑے گا۔
پاک کلام کے پڑھے اور سُنے جانے پر خدا کی برکت ہو۔
زبور — 22 (23) : 1 – 3، 5، 6 (جماعتی جواب: آیت 6)
(جماعتی جواب) میں خداوند کے گھر میں رہوں گا ہمیشہ سے ہمیشہ تک۔
1۔ خداوند میرا چوپان ہے، مجھے کوئی کمی نہیں۔
وہ مجھے ہری ہری چراگاہوں میں بٹھاتا ہے۔
(جماعتی جواب) میں خداوند کے گھر میں…
2۔ وہ مجھے راحت کی ندیوں کے پاس لے جاتا ہے۔
وہ میری جان کو بحال کرتا ہے۔
وہ مجھے اپنے نام کی خاطر
سیدھی راہوں پر لے چلتا ہے۔
(جماعتی جواب) میں خداوند کے گھر میں…
3۔ تُو میرے مخالفوں کے رُوبرُو
میرے آگے دسترخوان بچھاتا ہے۔
تُو میرے سر کو تیل سے ملتا ہے۔
میرا جام لبریز ہوتا ہے۔
(جماعتی جواب) میں خداوند کے گھر میں…
4۔ میری زندگی کے تمام ایّام میں
بھلائی اور کرم میرے ساتھ ہوں گے،
اور زمانوں کی درازی تک
میں خداوند کے گھر میں رہوں گا۔
(جماعتی جواب) میں خداوند کے گھر میں…
ہیلیلویاہ — اشعیا 33 : 22
ہیلیلویاہ، ہیلیلویاہ۔ خداوند ہمارا حاکم ہے، خداوند ہمارا سردار ہے، خداوند ہمارا بادشاہ ہے، وُہی ہم کو بچائے گا۔ ہیلیلویاہ۔
انجیلِ مقدس — مقدس متی کے مطابق 15 : 29 – 37
یسوع بہتوں کو شفا بخشتا ہے اور روٹیوں کو زیادہ کرتا ہے۔
اُس وقت یسوع صور و صیدا کے علاقے سے روانہ ہو کر جلیل کی جھیل کے نزدیک آیا، اور ایک پہاڑ پر چڑھ کر وہیں بیٹھ گیا۔ اور بڑے بڑے ہجوم اُس کے پاس آئے جن کے پاس لنگڑے، ٹنڈے، اندھے، گونگے اور بہت سے اور تھے، اور اُنہوں نے اُنہیں اُس کے پاؤں پر ڈال دیا، اور اُس نے اُنہیں شفا بخشی۔ یہاں تک کہ ہجوم نے تعجّب کیا جب دیکھا کہ گونگے بولتے، ٹنڈے تندرست ہوتے، لنگڑے چلتے اور اندھے دیکھتے ہیں۔ اور اُنہوں نے اسرائیل کے خدا کی تمجید کی۔
تب یسوع نے اپنے شاگردوں کو پاس بُلا کر کہا: ”مجھے ہجوم پر ترس آتا ہے، کیونکہ تین دن سے برابر میرے ساتھ ہیں اور اُن کے پاس کچھ کھانے کو نہیں، اور میں نہیں چاہتا کہ اُنہیں بھوکا رخصت کروں، ایسا نہ ہو کہ راہ میں ماندے پڑیں۔“ اور شاگردوں نے اُس سے کہا: ”بیابان میں ہم اِتنی روٹیاں کہاں سے لائیں کہ ایسے بڑے ہجوم کو سیر کریں؟“ تب یسوع نے اُن سے کہا: ”تمہارے پاس کتنی روٹیاں ہیں؟“ اور وہ بولے: ”سات، اور تھوڑی سی چھوٹی مچھلیاں ہیں۔“ تب اُس نے ہجوم کو زمین پر بیٹھنے کا حکم دیا۔ اور اُن سات روٹیوں اور مچھلیوں کو لے کر شکر کیا، اور توڑ توڑ کر شاگردوں کو دیتا گیا اور شاگرد ہجوم کو۔ اور سب کھا کر سیر ہو گئے، اور اُنہوں نے بچے ہوئے ٹکڑوں سے بھرے ہوئے سات ٹوکرے اُٹھائے۔
انجیلِ مقدس کے وسیلے سے ہمارے گناہ مُعاف کئے جائیں۔
نذرانوں پر دُعا
اے خداوند ہمارے خدا،
اپنی کلیسیا کو یہ بخش دے
کہ مومنوں کی عقیدت کی قربانی لگاتار تیری نذر کی جاتی رہے،
تاکہ ہم سب تیری عبادت اور ستائش کریں،
اور تیری نجات ہم میں مکمل طور پر اثر پائے۔
مسیح ہمارے خداوند کے وسیلے سے۔ آمین۔
تمہیدی حمد
آمد — الف (۱)
پاک شراکت کی آیت — اشعیا 40 : 10؛ 35 : 5
دیکھو، خداوند قدرت کے ساتھ آئے گا اور اپنے عابدوں کی آنکھیں بینا کر دے گا۔
پاک شراکت کے بعد کی دُعا
اے خداوند ہمارے خدا،
تیری رحمت کے لئے ہم تجھ سے التجا کرتے ہیں۔
بخش دے کہ اِس پاک عبادت کی مدد سے
ہم گناہوں پر پشیمان ہوں
اور اِس طرح آنے والی عید کی سنجیدگی کے ساتھ تیاری کریں۔
مسیح ہمارے خداوند کے وسیلے سے۔ آمین۔
Muqaddas Fransis Zevier — Káhin
The opening lines of the Prayer over the Offerings are missing from the Missal scan (pp. 759–760).
Dákhilah — Ash‘iyá 52:7
Paháṛoṉ par us mubashshir ke qadam kyá hí khushnumá haiṉ jo salámatí kí bishárat aur khairiyat kí khushkhabarí detá hai, ya‘ní us ke jo naját kí báteṉ kartá hai.
Jamá‘atí Du‘á — Collect
Ai Mihrbán Khudá Báp,
Muqaddas Fransis Pák Injíl kí bishárat de de kar
mukhtalif mulkoṉ ke bahut se logoṉ ko tere pás láyá hai.
Bakhsh de ki mominín ke diloṉ meṉ ímán ká wuhí jazbah josh máre
aur ki Pák Kalísiyá ko har jagah farzandoṉ kí baṛí ta‘dád hásil ho.
Masíh hamáre Khudáwand ke wasíle se jo tere sáth
Rúh-ul-Quds kí wahdániyat meṉ Khudá hai
aur hameshah se hameshah tak zindah rahtá aur saltanat kartá hai. Ámín.
Pahlí Tiláwat — Ash‘iyá Nabí ká Sahífah 26:1–6
Rást-kár ko jo wafádár hai dákhil hone do.
Us roz Yahúdah kí sarzamín meṉ yih gáná gáyá jáegá: Hamárá ek hasín shahr hai jis kí hifázat ke liye fasíleṉ aur burj banáyá gayá. Tum darwázoṉ ko kholo tá ki woh rást-kár qaum dákhil ho jo i‘tiqád ko qáim rakhtí hai. Tú hamáre mustahkam qasd ko salámatí se qáim rakhegá, is liye ki hamárá tawakkul tujh hí par hai. Khudáwand par abad tak tawakkul rakho, kyúṉki Khudáwand Khudá zamánoṉ kí chaṭṭán hai. Kyúṉki woh un ko jo bulandí par rahte haiṉ níche kar degá. Woh us mahfúz shahr ko zer karegá, woh use zamín tak zer karegá, use khák meṉ milá degá. Páoṉ us ko latáṛegá, ya‘ní muhtáj ke qadam, miskín ke páoṉ.
Pák kalám ke paṛhe aur sune jáne par Khudá kí barakat ho.
Zabúr — 117 (118):1, 8, 9, 19–21, 25–27 (Jamá‘atí Jawáb: áyat 26)
(Jamá‘atí Jawáb) Mubárak hai woh jo Khudáwand ke nám se átá hai.
1. Khudáwand ká shukr karo kyúṉki woh nek hai,
aur us kí rahmat abad tak qáim hai.
Insán par bharosá rakhne kí nisbat
Khudáwand kí panáh lená bihtar hai.
Umará par bharosá rakhne kí nisbat
Khudáwand kí panáh lená afzal hai.
(Jamá‘atí Jawáb) Mubárak hai woh jo…
2. Sadáqat ke darwáze mere liye kholo.
Maiṉ un meṉ se dákhil ho kar Khudáwand ká shukr karúṉgá.
Khudáwand ká darwázah yih hai,
us meṉ se sádiq dákhil hoṉge.
Maiṉ terá shukr karúṉgá is liye ki tú ne merí sun lí hai
aur merá mukhallis ṭhahrá hai.
(Jamá‘atí Jawáb) Mubárak hai woh jo…
3. Ai Khudáwand, naját bakhsh.
Ai Khudáwand, iqbálmandí ‘atá kar.
Mubárak hai woh jo Khudáwand ke nám se átá hai.
Ham Khudáwand ke ghar meṉ se tum ko du‘á dete haiṉ.
Khudáwand hí Khudá hai, us ne ham ko núr bakhshá hai.
(Jamá‘atí Jawáb) Mubárak hai woh jo…
Halleluyah — Ash‘iyá 40:9, 10
Halleluyah, Halleluyah. Ai Yarúshalam ke mubashshir, tú quwwat se apní áwáz buland kar. Dekho, Málik Khudáwand quwwat ke sáth átá hai. Halleluyah.
Injíl-e Muqaddas — Muqaddas Mattí ke mutábiq 7:21, 24–27
Jo mere ásmání Báp kí marzí par chaltá hai, ásmán kí bádsháhí meṉ dákhil hogá.
Us waqt Yisú‘ ne apne shágirdoṉ se kahá: "Na har ek jo mujhe Khudáwand, Khudáwand kahtá hai ásmán kí bádsháhí meṉ dákhil hogá, magar wuhí jo mere ásmání Báp kí marzí par chaltá hai.
Pas jo koí merí yih báteṉ suntá aur un par ‘amal kartá hai, woh us ‘aqlmand ádmí kí mánind ṭhahregá jis ne chaṭṭán par apná ghar banáyá. Aur meṉh barsá aur seláb áyá aur áṉdhiyáṉ chalíṉ aur us ghar se ṭakráíṉ, magar woh na girá, kyúṉki us kí buniyád chaṭṭán par rakhí gaí thí. Lekin jo koí merí yih báteṉ suntá hai aur un par ‘amal nahíṉ kartá, woh us be-waqúf ádmí kí mánind ṭhahregá jis ne apná ghar ret par banáyá. Aur meṉh barsá aur seláb áyá aur áṉdhiyáṉ chalíṉ aur us ghar ko sadmah pahuṉcháyá aur woh gir paṛá, aur us ká girná haulnák huá."
Injíl-e Muqaddas ke wasíle se hamáre gunáh mu‘áf kiye jáeṉ.
Nazránoṉ par Du‘á — Prayer over the Offerings
[…] tere huzúr láe haiṉ.
Bakhsh de ki jis tarah woh
logoṉ ko naját kí ráh batáne ke shauq se
dúr-daráz ke mulkoṉ meṉ pahuṉchá,
usí tarah ham Pák Injíl ke mutábiq apní zindagiyáṉ guzár kar
kam az kam apne hí mulk meṉ tere sachche aur mu’assir gawáh raheṉ,
aur apne bháiyoṉ samet
tere qaríb pahuṉchne ke liye qadam baṛháte raheṉ.
Masíh hamáre Khudáwand ke wasíle se. Ámín.
Tamhídí Hamd — Preface
Muqaddasín: Preface of Holy Men and Women
Pák Shirákat kí Áyat — Marqus 16:15; Mattí 28:20
Khudáwand farmátá hai ki tum duniyá meṉ já kar Injíl kí munádí karo. Maiṉ duniyá ke ákhir tak har roz tumháre sáth húṉ.
Pák Shirákat ke Ba‘d kí Du‘á — Prayer after Communion
Ai Khudáwand hamáre Khudá,
terí pák ‘ibádat ham meṉ
muhabbat kí woh ág bhaṛkáe
jis se Muqaddas Fransis rúhoṉ kí naját ke liye taṛaptá thá,
tá ki ham láiq taur par apne buláwe ke mutábiq chal kar
usí ke sáth woh in‘ám hásil kareṉ
jis ká wa‘dah diyánatdár mazdúroṉ se kiyá gayá.
Masíh hamáre Khudáwand ke wasíle se. Ámín.
نذرانوں پر دُعا کی ابتدائی سطریں رومانی قدّاس نامہ کے سکین (صفحہ 759 – 760) میں موجود نہیں۔
داخلہ — اشعیا 52 : 7
پہاڑوں پر اُس مبشّر کے قدم کیا ہی خوشنما ہیں جو سلامتی کی بشارت اور خیریت کی خوشخبری دیتا ہے، یعنی اُس کے جو نجات کی باتیں کرتا ہے۔
جماعتی دُعا
اے مہربان خدا باپ،
مقدس فرانسس پاک انجیل کی بشارت دے دے کر
مختلف ملکوں کے بہت سے لوگوں کو تیرے پاس لایا ہے۔
بخش دے کہ مومنین کے دلوں میں ایمان کا وُہی جذبہ جوش مارے
اور کہ پاک کلیسیا کو ہر جگہ فرزندوں کی بڑی تعداد حاصل ہو۔
مسیح ہمارے خداوند کے وسیلے سے جو تیرے ساتھ
روح القدس کی وحدانیت میں خدا ہے
اور ہمیشہ سے ہمیشہ تک زندہ رہتا اور سلطنت کرتا ہے۔ آمین۔
پہلی تلاوت — اشعیا نبی کا صحیفہ 26 : 1 – 6
راست کار کو جو وفادار ہے داخل ہونے دو۔
اُس روز یہوداہ کی سرزمین میں یہ گانا گایا جائے گا: ہمارا ایک حصین شہر ہے جس کی حفاظت کے لئے فصیلیں اور بُرج بنایا گیا۔ تم دروازوں کو کھولو تاکہ وہ راست کار قوم داخل ہو جو اعتقاد کو قائم رکھتی ہے۔ تُو ہمارے مستحکم قصد کو سلامتی سے قائم رکھے گا، اِس لئے کہ ہمارا توکّل تجھ ہی پر ہے۔ خداوند پر ابد تک توکّل رکھو، کیونکہ خداوند خدا زمانوں کی چٹان ہے۔ کیونکہ وہ اُن کو جو بلندی پر رہتے ہیں نیچے کر دے گا۔ وہ اُس محفوظ شہر کو زیر کرے گا، وہ اُسے زمین تک زیر کرے گا، اُسے خاک میں ملا دے گا۔ پاؤں اُس کو لتاڑے گا، یعنی محتاج کے قدم، مسکین کے پاؤں۔
پاک کلام کے پڑھے اور سُنے جانے پر خدا کی برکت ہو۔
زبور — 117 (118) : 1، 8، 9، 19 – 21، 25 – 27 (جماعتی جواب: آیت 26)
(جماعتی جواب) مبارک ہے وہ جو خداوند کے نام سے آتا ہے۔
1۔ خداوند کا شکر کرو کیونکہ وہ نیک ہے،
اور اُس کی رحمت ابد تک قائم ہے۔
انسان پر بھروسا رکھنے کی نسبت
خداوند کی پناہ لینا بہتر ہے۔
اُمرا پر بھروسا رکھنے کی نسبت
خداوند کی پناہ لینا افضل ہے۔
(جماعتی جواب) مبارک ہے وہ جو…
2۔ صداقت کے دروازے میرے لئے کھولو۔
میں اُن میں سے داخل ہو کر خداوند کا شکر کروں گا۔
خداوند کا دروازہ یہ ہے،
اُس میں سے صادق داخل ہوں گے۔
میں تیرا شکر کروں گا اِس لئے کہ تُو نے میری سُن لی ہے
اور میرا مخلّص ٹھہرا ہے۔
(جماعتی جواب) مبارک ہے وہ جو…
3۔ اے خداوند، نجات بخش۔
اے خداوند، اقبالمندی عطا کر۔
مبارک ہے وہ جو خداوند کے نام سے آتا ہے۔
ہم خداوند کے گھر میں سے تم کو دُعا دیتے ہیں۔
خداوند ہی خدا ہے، اُس نے ہم کو نور بخشا ہے۔
(جماعتی جواب) مبارک ہے وہ جو…
ہیلیلویاہ — اشعیا 40 : 9، 10
ہیلیلویاہ، ہیلیلویاہ۔ اے یروشلیم کے مبشّر، تُو قوّت سے اپنی آواز بلند کر۔ دیکھو، مالک خداوند قوّت کے ساتھ آتا ہے۔ ہیلیلویاہ۔
انجیلِ مقدس — مقدس متی کے مطابق 7 : 21، 24 – 27
جو میرے آسمانی باپ کی مرضی پر چلتا ہے، آسمان کی بادشاہی میں داخل ہوگا۔
اُس وقت یسوع نے اپنے شاگردوں سے کہا: ”نہ ہر ایک جو مجھے خداوند، خداوند کہتا ہے آسمان کی بادشاہی میں داخل ہوگا، مگر وُہی جو میرے آسمانی باپ کی مرضی پر چلتا ہے۔
پس جو کوئی میری یہ باتیں سنتا اور اُن پر عمل کرتا ہے، وہ اُس عقلمند آدمی کی مانند ٹھہرے گا جس نے چٹان پر اپنا گھر بنایا۔ اور مینہ برسا اور سیلاب آیا اور آندھیاں چلیں اور اُس گھر سے ٹکرائیں، مگر وہ نہ گرا، کیونکہ اُس کی بنیاد چٹان پر رکھی گئی تھی۔ لیکن جو کوئی میری یہ باتیں سنتا ہے اور اُن پر عمل نہیں کرتا، وہ اُس بے وقوف آدمی کی مانند ٹھہرے گا جس نے اپنا گھر ریت پر بنایا۔ اور مینہ برسا اور سیلاب آیا اور آندھیاں چلیں اور اُس گھر کو صدمہ پہنچایا اور وہ گر پڑا، اور اُس کا گرنا ہولناک ہوا۔“
انجیلِ مقدس کے وسیلے سے ہمارے گناہ مُعاف کئے جائیں۔
نذرانوں پر دُعا
[…] تیرے حضور لائے ہیں۔
بخش دے کہ جس طرح وہ
لوگوں کو نجات کی راہ بتانے کے شوق سے
دُور دراز کے ملکوں میں پہنچا،
اُسی طرح ہم پاک انجیل کے مطابق اپنی زندگیاں گزار کر
کم از کم اپنے ہی ملک میں تیرے سچے اور مؤثر گواہ رہیں،
اور اپنے بھائیوں سمیت
تیرے قریب پہنچنے کے لئے قدم بڑھاتے رہیں۔
مسیح ہمارے خداوند کے وسیلے سے۔ آمین۔
تمہیدی حمد
مقدسین
پاک شراکت کی آیت — مرقس 16 : 15؛ متی 28 : 20
خداوند فرماتا ہے کہ تم دنیا میں جا کر انجیل کی منادی کرو۔ میں دنیا کے آخر تک ہر روز تمہارے ساتھ ہوں۔
پاک شراکت کے بعد کی دُعا
اے خداوند ہمارے خدا،
تیری پاک عبادت ہم میں
محبّت کی وہ آگ بھڑکائے
جس سے مقدس فرانسس روحوں کی نجات کے لئے تڑپتا تھا،
تاکہ ہم لائق طور پر اپنے بلاوے کے مطابق چل کر
اُسی کے ساتھ وہ انعام حاصل کریں
جس کا وعدہ دیانتدار مزدوروں سے کیا گیا۔
مسیح ہمارے خداوند کے وسیلے سے۔ آمین۔
Jum‘ah, 4 December
Dákhilah
Dekho, Khudáwand baṛí shán-o-shaukat ke sáth ásmán par salámatí lá kar apne logoṉ se milne aur un ko hameshah kí zindagí diláne átá hai.
Jamá‘atí Du‘á — Collect
Ai Khudáwand hamáre Khudá,
apní qudrat ko záhir kar ke á, tá ki ham terí hifázat ke sáth
apne gunáhoṉ kí sazá se bach kar naját hásil kareṉ.
Masíh hamáre Khudáwand ke wasíle se jo tere sáth
Rúh-ul-Quds kí wahdániyat meṉ Khudá hai
aur hameshah se hameshah tak zindah rahtá aur saltanat kartá hai. Ámín.
Pahlí Tiláwat — Ash‘iyá Nabí ká Sahífah 29:17–24
Us din andhoṉ kí áṉkheṉ dekheṉgí.
Khudáwand farmátá hai ki thoṛe ‘arse meṉ, bahut hí thoṛe ‘arse meṉ Lubnán ek zarkhez bághíchah ho jáegá, aur zarkhez bághíchah ban samjhá jáegá. Us roz bahre kitáb kí báteṉ suneṉge, aur andhoṉ kí áṉkheṉ tárikí aur andhere meṉ se dekheṉgí. Aur gharíb log Khudáwand meṉ ziyádah khushí kareṉge, aur ádmiyoṉ meṉ se miskín Isráíl ke Quddús se shádmán hoṉge. Kyúṉki zálim nábúd ho jáegá aur ṭhaṭṭhe-báz gháib ho jáegá, aur sab jo badí karne ke liye jágte rahte haiṉ woh nest kiye gae, ya‘ní woh jo ádmí ko ek kalimah kí khátir gunahgár karte, aur jo pháṭak par un ko malámat kartá hai us ke liye phandá lagáte, aur sádiq ko apní jhúṭí bátoṉ se pachhaṛ dete haiṉ. Is liye Khudáwand, jis ne Ibráhím ko naját dí, Ya‘qúb ke gharáne kí bábat farmátá hai ki ab Ya‘qúb sharmindah na hogá aur na us ká chihrah zard hogá. Lekin jab woh apní aulád ko, jo us ke darmiyán mere háthoṉ ke kám haiṉ, dekhe, woh mere nám kí taqdís kareṉge, aur Ya‘qúb ke Quddús kí taqdís kareṉge, aur Isráíl ke Khudá se ḍareṉge. Aur woh jo rúh meṉ gumráh haiṉ dánáí ko jáneṉge, aur kuṛkuṛáne wále ta‘lím sikheṉge.
Pák kalám ke paṛhe aur sune jáne par Khudá kí barakat ho.
Zabúr — 26 (27):1, 4, 13, 14 (Jamá‘atí Jawáb: áyat 1)
(Jamá‘atí Jawáb) Khudáwand merá núr hai aur merá madadgár.
1. Khudáwand merá núr aur merí naját hai,
mujhe kis ká ḍar hai?
Khudáwand merí zindagí ká hisn hai,
mujhe kis kí haibat hai?
(Jamá‘atí Jawáb) Khudáwand merá núr hai…
2. Merí Khudáwand se ek hí darkhwást hai,
yihí merí iltimás hai,
ki maiṉ apní zindagí ke tamám ayyám Khudáwand ke ghar meṉ rahúṉ,
tá ki maiṉ Khudáwand kí dilkashí mahsús karúṉ
aur us kí haikal ko táktá rahúṉ.
(Jamá‘atí Jawáb) Khudáwand merá núr hai…
3. Mujhe yaqín hai ki maiṉ zindoṉ ke mulk meṉ
Khudáwand ká faiz dekhúṉgá.
Khudáwand ká muntazir rah, mazbút ho,
terá dil bá-himmat ho, Khudáwand ká muntazir rah.
(Jamá‘atí Jawáb) Khudáwand merá núr hai…
Halleluyah — Ash‘iyá 45:8
Halleluyah, Halleluyah. Ai aflák, os kí mánind sadáqat bhejo, bádal use barsáeṉ. Zamín khul jáe aur naját ká phal láe. Halleluyah.
Injíl-e Muqaddas — Muqaddas Mattí ke mutábiq 9:27–31
Do andhe jin ko Yisú‘ par yaqín thá shifá páte haiṉ.
Us waqt jab Yisú‘ apne rástah par já rahá thá, to do andhe us ke píchhe pukárte hue áe ki "Ai Dáúd ke Beṭe, ham par rahm kar." Aur jab woh ghar meṉ pahuṉchá, woh andhe us ke pás áe. Yisú‘ ne un se kahá: "Kyá tum yaqín karte ho ki maiṉ yih kar saktá húṉ?" Woh bole: "Háṉ, ai Khudáwand." Tab us ne un kí áṉkheṉ chhú kar kahá: "Tumháre ímán ke muwáfiq tumháre liye ho." Aur un kí áṉkheṉ khul gaíṉ. Aur Yisú‘ ne unheṉ tákíd kar ke kahá: "Khabardár, koí is bát ko na jáne." Magar unhoṉ ne báhar já kar us tamám ‘iláqe meṉ us kí shuhrat phailá dí.
Injíl-e Muqaddas ke wasíle se hamáre gunáh mu‘áf kiye jáeṉ.
Nazránoṉ par Du‘á — Prayer over the Offerings
Ai Khudáwand hamáre Khudá,
ham khák-sároṉ kí du‘áeṉ aur nazreṉ qabúl kar ke ham se rází ho.
Aur chúṉki ham meṉ koí khás fazílat maujúd nahíṉ,
tú apní shafqat aur mihrbání se hamárí madad ko á.
Masíh hamáre Khudáwand ke wasíle se. Ámín.
Tamhídí Hamd — Preface
Ámad — Alif (1): Preface I of Advent
Pák Shirákat kí Áyat — Filippiyoṉ 3:20–21
Ham naját-dihindah Khudáwand Yisú‘ Masíh kí ráh takte haiṉ. Woh hamáre past-hál badan kí shakl badal kar apne jalálí badan kí súrat par banáegá.
Pák Shirákat ke Ba‘d kí Du‘á — Prayer after Communion
Ai Khudáwand hamáre Khudá,
tú ne hameṉ rúhání khurák khilá kar hamárí khwáhish púrí kar dí hai.
Ham tujh se minnat karte haiṉ,
is pák ‘ibádat meṉ sharík hone se hameṉ sikhá
ki ham is jahán kí chízoṉ ko ‘aqlmandí ke sáth jáṉch leṉ
aur ásmán kí chízoṉ kí tamanná kareṉ.
Masíh hamáre Khudáwand ke wasíle se. Ámín.
داخلہ
دیکھو، خداوند بڑی شان و شوکت کے ساتھ آسمان پر سلامتی لا کر اپنے لوگوں سے ملنے اور اُن کو ہمیشہ کی زندگی دلانے آتا ہے۔
جماعتی دُعا
اے خداوند ہمارے خدا،
اپنی قدرت کو ظاہر کر کے آ، تاکہ ہم تیری حفاظت کے ساتھ
اپنے گناہوں کی سزا سے بچ کر نجات حاصل کریں۔
مسیح ہمارے خداوند کے وسیلے سے جو تیرے ساتھ
روح القدس کی وحدانیت میں خدا ہے
اور ہمیشہ سے ہمیشہ تک زندہ رہتا اور سلطنت کرتا ہے۔ آمین۔
پہلی تلاوت — اشعیا نبی کا صحیفہ 29 : 17 – 24
اُس دن اندھوں کی آنکھیں دیکھیں گی۔
خداوند فرماتا ہے کہ تھوڑے عرصہ میں، بہت ہی تھوڑے عرصہ میں لبنان ایک زرخیز باغیچہ ہو جائے گا، اور زرخیز باغیچہ بن سمجھا جائے گا۔ اُس روز بہرے کتاب کی باتیں سُنیں گے، اور اندھوں کی آنکھیں تاریکی اور اندھیرے میں سے دیکھیں گی۔ اور غریب لوگ خداوند میں زیادہ خوشی کریں گے، اور آدمیوں میں سے مسکین اسرائیل کے قدّوس سے شادمان ہوں گے۔ کیونکہ ظالم نابود ہو جائے گا اور ٹھٹھے باز غائب ہو جائے گا، اور سب جو بدی کرنے کے لئے جاگتے رہتے ہیں وہ نیست کئے گئے، یعنی وہ جو آدمی کو ایک کلمہ کی خاطر گنہگار کرتے، اور جو پھاٹک پر اُن کو ملامت کرتا ہے اُس کے لئے پھندا لگاتے، اور صادق کو اپنی جھوٹی باتوں سے پچھاڑ دیتے ہیں۔ اِس لئے خداوند، جس نے ابراہیم کو نجات دی، یعقوب کے گھرانے کی بابت فرماتا ہے کہ اب یعقوب شرمندہ نہ ہوگا اور نہ اُس کا چہرہ زرد ہوگا۔ لیکن جب وہ اپنی اولاد کو، جو اُس کے درمیان میرے ہاتھوں کے کام ہیں، دیکھے، وہ میرے نام کی تقدیس کریں گے، اور یعقوب کے قدّوس کی تقدیس کریں گے، اور اسرائیل کے خدا سے ڈریں گے۔ اور وہ جو روح میں گمراہ ہیں دانائی کو جانیں گے، اور کُڑکُڑانے والے تعلیم سیکھیں گے۔
پاک کلام کے پڑھے اور سُنے جانے پر خدا کی برکت ہو۔
زبور — 26 (27) : 1، 4، 13، 14 (جماعتی جواب: آیت 1)
(جماعتی جواب) خداوند میرا نور ہے اور میرا مددگار۔
1۔ خداوند میرا نور اور میری نجات ہے،
مجھے کس کا ڈر ہے؟
خداوند میری زندگی کا حصن ہے،
مجھے کس کی ہیبت ہے؟
(جماعتی جواب) خداوند میرا نور ہے…
2۔ میری خداوند سے ایک ہی درخواست ہے،
یہی میری التماس ہے،
کہ میں اپنی زندگی کے تمام ایّام خداوند کے گھر میں رہوں،
تاکہ میں خداوند کی دلکشی محسوس کروں
اور اُس کی ہیکل کو تاکتا رہوں۔
(جماعتی جواب) خداوند میرا نور ہے…
3۔ مجھے یقین ہے کہ میں زندوں کے ملک میں
خداوند کا فیض دیکھوں گا۔
خداوند کا منتظر رہ، مضبوط ہو،
تیرا دل باہمّت ہو، خداوند کا منتظر رہ۔
(جماعتی جواب) خداوند میرا نور ہے…
ہیلیلویاہ — اشعیا 45 : 8
ہیلیلویاہ، ہیلیلویاہ۔ اے افلاک، اوس کی مانند صداقت بھیجو، بادل اُسے برسائیں۔ زمین کھل جائے اور نجات کا پھل لائے۔ ہیلیلویاہ۔
انجیلِ مقدس — مقدس متی کے مطابق 9 : 27 – 31
دو اندھے جن کو یسوع پر یقین تھا شفا پاتے ہیں۔
اُس وقت جب یسوع اپنے راستہ پر جا رہا تھا، تو دو اندھے اُس کے پیچھے پکارتے ہوئے آئے کہ ”اے داؤد کے بیٹے، ہم پر رحم کر۔“ اور جب وہ گھر میں پہنچا، وہ اندھے اُس کے پاس آئے۔ یسوع نے اُن سے کہا: ”کیا تم یقین کرتے ہو کہ میں یہ کر سکتا ہوں؟“ وہ بولے: ”ہاں، اے خداوند۔“ تب اُس نے اُن کی آنکھیں چھو کر کہا: ”تمہارے ایمان کے موافق تمہارے لئے ہو۔“ اور اُن کی آنکھیں کھل گئیں۔ اور یسوع نے اُنہیں تاکید کر کے کہا: ”خبردار، کوئی اِس بات کو نہ جانے۔“ مگر اُنہوں نے باہر جا کر اُس تمام علاقے میں اُس کی شہرت پھیلا دی۔
انجیلِ مقدس کے وسیلے سے ہمارے گناہ مُعاف کئے جائیں۔
نذرانوں پر دُعا
اے خداوند ہمارے خدا،
ہم خاکساروں کی دُعائیں اور نذریں قبول کر کے ہم سے راضی ہو۔
اور چونکہ ہم میں کوئی خاص فضیلت موجود نہیں،
تُو اپنی شفقت اور مہربانی سے ہماری مدد کو آ۔
مسیح ہمارے خداوند کے وسیلے سے۔ آمین۔
تمہیدی حمد
آمد — الف (۱)
پاک شراکت کی آیت — فلپیوں 3 : 20 – 21
ہم نجات دہندہ خداوند یسوع مسیح کی راہ تکتے ہیں۔ وہ ہمارے پست حال بدن کی شکل بدل کر اپنے جلالی بدن کی صورت پر بنائے گا۔
پاک شراکت کے بعد کی دُعا
اے خداوند ہمارے خدا،
تُو نے ہمیں روحانی خوراک کھلا کر ہماری خواہش پوری کر دی ہے۔
ہم تجھ سے منّت کرتے ہیں،
اِس پاک عبادت میں شریک ہونے سے ہمیں سکھا
کہ ہم اِس جہان کی چیزوں کو عقلمندی کے ساتھ جانچ لیں
اور آسمان کی چیزوں کی تمنّا کریں۔
مسیح ہمارے خداوند کے وسیلے سے۔ آمین۔
Haftah, 5 December
Dákhilah — Zabúr 79 (80):4, 2
Ai Khudáwand, tú jo karúbiyoṉ par takht-nishín hai, á, aur apne chihre ká núr ham par chamká tá ki ham bach jáeṉ.
Jamá‘atí Du‘á — Collect
Ai Mihrbán Báp Khudá,
baní nau‘-e insán ko purání hálat se barí karne kí gharaz se
tú ne apne iklaute Beṭe ko is duniyá meṉ bhejá.
Ham sachche dil kí ‘aqídat ke sáth tere rahm ke zahúr ke intizár meṉ haiṉ.
Bakhsh de ki ham sachchí naját ká in‘ám páeṉ.
Masíh hamáre Khudáwand ke wasíle se jo tere sáth
Rúh-ul-Quds kí wahdániyat meṉ Khudá hai
aur hameshah se hameshah tak zindah rahtá aur saltanat kartá hai. Ámín.
Pahlí Tiláwat — Ash‘iyá Nabí ká Sahífah 30:19–21, 23–26
Woh tere chilláne kí áwáz par tujh par rahm karegá.
Khudáwand Khudá, Isráíl ká Quddús yúṉ farmátá hai: Ai Saihún kí qaum jo Yarúshalam meṉ basegí, tú ba‘d azíṉ nahíṉ roegí, balki woh tere chilláne kí áwáz par tujh par rahm karegá. Jis waqt woh sunegá woh tujhe jawáb degá. Aur Khudáwand tujh ko taṉgí meṉ roṭí aur dushwárí meṉ pání degá. Par terá mu‘allim hameshah ke liye chhipá na rahegá, balki terí áṉkheṉ tere mu‘allim ko dekheṉgí. Aur tere kán tere píchhe se bolne wále ká yih kalimah suneṉge ki ráh yihí hai, tum is par chalo.
Aur woh tere bíj par jo tú zamín meṉ boe meṉh barsáegá, aur zamín ke ghalle kí roṭí pur-maghz aur moṭí hogí. Us roz tere mawáshí wasí‘ charágáhoṉ meṉ chareṉge. Aur bail aur gadhoṉ ke bachche jo zamín meṉ hal ko khaiṉchte haiṉ namkín chárá kháeṉge, jo belchah aur chháj se uṛá kar sáf kiyá gayá ho. Aur har ek buland paháṛ par aur har ek úṉchí paháṛí par, us baṛí khúnrezí ke din jab burj gir jáeṉge, chashme aur pání kí nahreṉ hoṉgí. Aur chánd kí raushní súraj kí raushní kí mánind hogí, aur súraj kí raushní sát guní, sát dinoṉ kí raushní kí tarah hogí, jis roz Khudáwand apne logoṉ kí shikastagí ko báṉdhegá aur un kí choṭ ke zakhm ko shifá degá.
Pák kalám ke paṛhe aur sune jáne par Khudá kí barakat ho.
Zabúr — 146 (147):1–6 (Jamá‘atí Jawáb: Ash‘iyá 30:18)
(Jamá‘atí Jawáb) Mubárak haiṉ woh sab jo us ká intizár karte haiṉ.
1. Halleluyah.
Khudáwand kí hamd karo kyúṉki woh nek hai.
Hamáre Khudá kí madh-saráí karo kyúṉki woh shírín hai.
Us kí hamd karná ansab hai.
Khudáwand Yarúshalam ko ta‘mír kartá hai.
Woh Isráíl ke muntashir-shudoṉ ko jama‘ kartá hai.
(Jamá‘atí Jawáb) Mubárak haiṉ woh sab…
2. Woh shikastah diloṉ ko shifá detá hai
aur un ke zakhmoṉ ko báṉdh detá hai.
Woh sitároṉ kí ta‘dád ko muqarrar kartá hai
aur ek ek ko nám le kar bulátá hai.
(Jamá‘atí Jawáb) Mubárak haiṉ woh sab…
3. Hamárá Khudáwand ‘azím aur qádir-e quwwat hai.
Us kí hikmat náqábil-e masáhat hai.
Khudáwand halímoṉ ko uṭhá letá hai
aur be-dínoṉ ko khák meṉ milá detá hai.
(Jamá‘atí Jawáb) Mubárak haiṉ woh sab…
Halleluyah — Ash‘iyá 55:6
Halleluyah, Halleluyah. Jab tak ki Khudáwand páyá jáe tum us kí talásh karo, aur jab tak ki woh qaríb hai us ko pukáro. Halleluyah.
Injíl-e Muqaddas — Muqaddas Mattí ke mutábiq 9:35 – 10:1, 6–8
Jab Yisú‘ ne hujúm ko dekhá to use us par taras áyá.
Us waqt Yisú‘ sab shahroṉ aur gáoṉ meṉ phirtá rahá, aur un ke ‘ibádat-khánoṉ meṉ ta‘lím detá aur bádsháhí kí khushkhabarí kí munádí kartá, aur har bímárí aur kamzorí dúr kartá rahá. Aur jab us ne hujúm ko dekhá to use us par taras áyá, kyúṉki woh un bheṛoṉ kí mánind jin ká charwáhá na ho khastah-hál aur parágandah thá. Tab us ne apne shágirdoṉ se kahá ki "Fasl to bahut hai magar mazdúr thoṛe haiṉ, is liye tum fasl ke málik kí minnat karo ki woh apní fasl káṭne ke liye mazdúr bhej de."
Phir us ne apne bárah shágirdoṉ ko pás bulá kar unheṉ nápák rúhoṉ par ikhtiyár bakhshá ki un ko nikáleṉ, aur har tarah kí bímárí aur har tarah kí kamzorí ko dúr kareṉ. "Isráíl ke gharáne kí khoí huí bheṛoṉ ke pás jáná. Aur chalte chalte yih munádí karná ki ásmán kí bádsháhí nazdík á gaí hai. Bímároṉ ko achchhá karná, murdoṉ ko jiláná, koṛhiyoṉ ko pák sáf karná, bad-rúhoṉ ko nikálná. Muft tum ne páyá, muft hí tum dená."
Injíl-e Muqaddas ke wasíle se hamáre gunáh mu‘áf kiye jáeṉ.
Nazránoṉ par Du‘á — Prayer over the Offerings
Ai Khudáwand hamáre Khudá,
apní Kalísiyá ko yih bakhsh de
ki mominoṉ kí ‘aqídat kí qurbání lagátár terí nazr kí játí rahe,
tá ki ham sab terí ‘ibádat aur sitáish kareṉ,
aur terí naját ham meṉ mukammal taur par asar páe.
Masíh hamáre Khudáwand ke wasíle se. Ámín.
Tamhídí Hamd — Preface
Ámad — Alif (1): Preface I of Advent
Pák Shirákat kí Áyat — Mukáshafah 22:12
Khudáwand farmátá hai ki dekh, maiṉ jald áne wálá húṉ aur merá ajr mere pás hai, tá ki har ek ko us ke kámoṉ ke muwáfiq badlah dúṉ.
Pák Shirákat ke Ba‘d kí Du‘á — Prayer after Communion
Ai Khudáwand hamáre Khudá,
terí rahmat ke liye ham tujh se iltijá karte haiṉ.
Bakhsh de ki is pák ‘ibádat kí madad se
ham gunáhoṉ par pashemán hoṉ
aur is tarah áne wálí ‘íd kí sanjídagí ke sáth taiyárí kareṉ.
Masíh hamáre Khudáwand ke wasíle se. Ámín.
داخلہ — زبور 79 (80) : 4، 2
اے خداوند، تُو جو کروبیوں پر تخت نشین ہے، آ، اور اپنے چہرے کا نور ہم پر چمکا تاکہ ہم بچ جائیں۔
جماعتی دُعا
اے مہربان باپ خدا،
بنی نوعِ انسان کو پرانی حالت سے بری کرنے کی غرض سے
تُو نے اپنے اکلوتے بیٹے کو اِس دنیا میں بھیجا۔
ہم سچے دل کی عقیدت کے ساتھ تیرے رحم کے ظہور کے انتظار میں ہیں۔
بخش دے کہ ہم سچی نجات کا انعام پائیں۔
مسیح ہمارے خداوند کے وسیلے سے جو تیرے ساتھ
روح القدس کی وحدانیت میں خدا ہے
اور ہمیشہ سے ہمیشہ تک زندہ رہتا اور سلطنت کرتا ہے۔ آمین۔
پہلی تلاوت — اشعیا نبی کا صحیفہ 30 : 19 – 21، 23 – 26
وہ تیرے چلّانے کی آواز پر تجھ پر رحم کرے گا۔
خداوند خدا، اسرائیل کا قدّوس یوں فرماتا ہے: اے صیہون کی قوم جو یروشلیم میں بسے گی، تُو بعد ازیں نہیں روئے گی، بلکہ وہ تیرے چلّانے کی آواز پر تجھ پر رحم کرے گا۔ جس وقت وہ سُنے گا وہ تجھے جواب دے گا۔ اور خداوند تجھ کو تنگی میں روٹی اور دشواری میں پانی دے گا۔ پر تیرا معلّم ہمیشہ کے لئے چھپا نہ رہے گا، بلکہ تیری آنکھیں تیرے معلّم کو دیکھیں گی۔ اور تیرے کان تیرے پیچھے سے بولنے والے کا یہ کلمہ سُنیں گے کہ راہ یہی ہے، تم اِس پر چلو۔
اور وہ تیرے بیج پر جو تُو زمین میں بوئے مینہ برسائے گا، اور زمین کے غلّے کی روٹی پُرمغز اور موٹی ہوگی۔ اُس روز تیرے مواشی وسیع چراگاہوں میں چریں گے۔ اور بیل اور گدھوں کے بچّے جو زمین میں ہل کو کھینچتے ہیں نمکین چارا کھائیں گے، جو بیلچہ اور چھاج سے اُڑا کر صاف کیا گیا ہو۔ اور ہر ایک بلند پہاڑ پر اور ہر ایک اونچی پہاڑی پر، اُس بڑی خونریزی کے دن جب بُرج گر جائیں گے، چشمے اور پانی کی نہریں ہوں گی۔ اور چاند کی روشنی سورج کی روشنی کی مانند ہوگی، اور سورج کی روشنی سات گنی، سات دنوں کی روشنی کی طرح ہوگی، جس روز خداوند اپنے لوگوں کی شکستگی کو باندھے گا اور اُن کی چوٹ کے زخم کو شفا دے گا۔
پاک کلام کے پڑھے اور سُنے جانے پر خدا کی برکت ہو۔
زبور — 146 (147) : 1 – 6 (جماعتی جواب: اشعیا 30 : 18)
(جماعتی جواب) مبارک ہیں وہ سب جو اُس کا انتظار کرتے ہیں۔
1۔ ہیلیلویاہ۔
خداوند کی حمد کرو کیونکہ وہ نیک ہے۔
ہمارے خدا کی مدح سرائی کرو کیونکہ وہ شیریں ہے۔
اُس کی حمد کرنا انسب ہے۔
خداوند یروشلیم کو تعمیر کرتا ہے۔
وہ اسرائیل کے منتشر شدوں کو جمع کرتا ہے۔
(جماعتی جواب) مبارک ہیں وہ سب…
2۔ وہ شکستہ دلوں کو شفا دیتا ہے
اور اُن کے زخموں کو باندھ دیتا ہے۔
وہ ستاروں کی تعداد کو مقرّر کرتا ہے
اور ایک ایک کو نام لے کر بُلاتا ہے۔
(جماعتی جواب) مبارک ہیں وہ سب…
3۔ ہمارا خداوند عظیم اور قادرِ قوّت ہے۔
اُس کی حکمت ناقابلِ مساحت ہے۔
خداوند حلیموں کو اُٹھا لیتا ہے
اور بے دینوں کو خاک میں ملا دیتا ہے۔
(جماعتی جواب) مبارک ہیں وہ سب…
ہیلیلویاہ — اشعیا 55 : 6
ہیلیلویاہ، ہیلیلویاہ۔ جب تک کہ خداوند پایا جائے تم اُس کی تلاش کرو، اور جب تک کہ وہ قریب ہے اُس کو پکارو۔ ہیلیلویاہ۔
انجیلِ مقدس — مقدس متی کے مطابق 9 : 35 سے 10 : 1، 6 – 8 تک
جب یسوع نے ہجوم کو دیکھا تو اُسے اُس پر ترس آیا۔
اُس وقت یسوع سب شہروں اور گاؤں میں پھرتا رہا، اور اُن کے عبادت خانوں میں تعلیم دیتا اور بادشاہی کی خوشخبری کی منادی کرتا، اور ہر بیماری اور کمزوری دُور کرتا رہا۔ اور جب اُس نے ہجوم کو دیکھا تو اُسے اُس پر ترس آیا، کیونکہ وہ اُن بھیڑوں کی مانند جن کا چرواہا نہ ہو خستہ حال اور پراگندہ تھا۔ تب اُس نے اپنے شاگردوں سے کہا کہ ”فصل تو بہت ہے مگر مزدور تھوڑے ہیں، اِس لئے تم فصل کے مالک کی منّت کرو کہ وہ اپنی فصل کاٹنے کے لئے مزدور بھیج دے۔“
پھر اُس نے اپنے بارہ شاگردوں کو پاس بُلا کر اُنہیں ناپاک روحوں پر اختیار بخشا کہ اُن کو نکالیں، اور ہر طرح کی بیماری اور ہر طرح کی کمزوری کو دُور کریں۔ ”اسرائیل کے گھرانے کی کھوئی ہوئی بھیڑوں کے پاس جانا۔ اور چلتے چلتے یہ منادی کرنا کہ آسمان کی بادشاہی نزدیک آ گئی ہے۔ بیماروں کو اچھا کرنا، مُردوں کو جلانا، کوڑھیوں کو پاک صاف کرنا، بد روحوں کو نکالنا۔ مفت تم نے پایا، مفت ہی تم دینا۔“
انجیلِ مقدس کے وسیلے سے ہمارے گناہ مُعاف کئے جائیں۔
نذرانوں پر دُعا
اے خداوند ہمارے خدا،
اپنی کلیسیا کو یہ بخش دے
کہ مومنوں کی عقیدت کی قربانی لگاتار تیری نذر کی جاتی رہے،
تاکہ ہم سب تیری عبادت اور ستائش کریں،
اور تیری نجات ہم میں مکمل طور پر اثر پائے۔
مسیح ہمارے خداوند کے وسیلے سے۔ آمین۔
تمہیدی حمد
آمد — الف (۱)
پاک شراکت کی آیت — مکاشفہ 22 : 12
خداوند فرماتا ہے کہ دیکھ، میں جلد آنے والا ہوں اور میرا اجر میرے پاس ہے، تاکہ ہر ایک کو اُس کے کاموں کے موافق بدلہ دوں۔
پاک شراکت کے بعد کی دُعا
اے خداوند ہمارے خدا،
تیری رحمت کے لئے ہم تجھ سے التجا کرتے ہیں۔
بخش دے کہ اِس پاک عبادت کی مدد سے
ہم گناہوں پر پشیمان ہوں
اور اِس طرح آنے والی عید کی سنجیدگی کے ساتھ تیاری کریں۔
مسیح ہمارے خداوند کے وسیلے سے۔ آمین۔
Pák kalám ke paṛhe aur sune jáne par Khudá kí barakat ho.
Comments
Post a Comment